44
Ovdagoddelágaid ja njuolgga eanaopmodatvearu heaittiheami oidne boanddat
guokte stuorra politihkalaš vuoitun. Sii ledje ožžon stivrenválddi báikkálaš
servodagain, ja sii ožžo stuorát ráđđenválddi iežaset ekonomiija badjel. Okta
dehálaš váikkuhus dán lassi báikegottiid álbmotstivremis, lei ahte boanddat ožžo
eanet vásáhusaid politihkket, ja dalle šattai maiddái sidjiide álkit lávket riikka
politihka sisa.
Geardduhangažaldagat
1.
Mii lei gonagas Karl Johan guhkit áiggi áigumuš?
2.
Manin Stuorradiggi ii lean nu duhtavaš go olgoriikkapolitihkka lei gonagasa
hálddus?
3.
Gii lei ráhkadan ođđa norgga leavgaevttohusa?
4.
Makkár beaivvi rehkenasttii Karl Johan norgga našunbeaivin?
5.
Manin gohčodedje Stuorradikki 1833:s Boandastuorradiggin?
6.
Gii lei Ole Gabriel Ueland, ja manne lei son nu dehálaš?
7.
Makkár guokte ášši ledje boanddaide dehálaččat Stuorradikkis álggogeahcen
1830-jagiid?
8.
Mat leat ovdagoddelágat?
Čiekŋudeapmi
1.
Sáhtát go jurddašit makkárge ášši gos Norggas lei eará beroštupmi go
Ruotas?
2.
Boanddat Ole Gabriel Ueland jođiheami vuolde, doibme ovttastahtton
opposišuvdnan, ovddastedje dehálaš lávkin min áiggi bellodatpolitihka
vuostá. Sáhtát go čilget man vuogi mielde?
3.
Jurddaš ahte don áiggut oassálastit ságastallamii ja áiggut ákkastallat
báikkálaš iešstivrema ovddas. Čále iežat ákkastallamiid ja ovdanbuvtte daid.
Gáldobargobihttá
Gáldu: Leavgagovva. (Gč. Siidu 43)
A. Mo sáhttá leavgga geavahit gáldun?
B. Maid muitalit dat iešguđet leavgga Norgga dilálašvuođa birra?
C. Manne lei Stuorradiggái nu dehálaš ahte Norga galggai oažžut iežas norgga
leavgga?
D. Čujut otná diliide mat čájehit ahte leavggas lea stuorra symbolalaš fápmu.
