39
Karl Johan kruvdneduvvo Troanddin váldogirkus čakčamánu 7.b. 1818:s. Gova
njuohtan Jacob Munch 1822.
Ođđa oaivegávpot
Jagi 1814:s šattai Christiania riikka oaivegávpogin. Gávpoga árvodássi
oaivegávpogin dagahii stuorra rievdadusaid dan ovddeš smávva
provinsagávpogii. Stuorradiggi, ráđđehus, stáhtahálddahus ja duopmostuolut
sajuštuvvojedje gávpogii. 1814:s 1875’ rádjái lassánii olmmošlohku 13000
olbmos 77000 olbmui, birasgilit lohkkon mielde. 1814:s lei Norga geafes riika.
Dán nuorra stáhtas váillui sihke ruhta ja fágaolbmot hukset visttiid daid ođđa
stáhtalaš institušuvnnaide. Sii fertejedje láigohit gárvves visttiid gávpoga birra
dassážii go ožžo huksejuvvot iežaset visttiid. Stuorradiggi gal fárrii
Katedralskuvlla visttiide, ja Ruota-Norgga gonagas orui čáppa gárdimis maid
gohčodedje Paleet go finai Norggas. 1840 rájes oažžugođii gávpot hámi. 1848:s
lei šloahtta gárvvis. Universitehta huksejuvvui gaskal jagiid 1841 ja 1852, ja
Stuorradiggevisti vihahuvvui 1866:s.
