35
márkanat gáiddus guovlluin, nugo Amerihkká, dagai ahte skiippat johtigohte
stuorra ábiid rastá. Áigodat gaskal 1850 ja 1880 rehkenasto leat norgga
skiipajohtolaga golleáigin. 1875:s lei Norga goalmmát stuorámus
mearrajohtolaga našuvdna máilmmis maŋábealde Stuorra Británnia ja
Amerihkká. Dalle ledje mearrajohtolagas barggus badjel 60 000 olbmo. Okta
sivain dan stuorra lassáneapmái lei go lei álki fidnet nuorra, njuovžilis ja hálbbes
bargoveaga. Mearrajohtolaga ahtanuššan buvttii buriid váikkuhusaid báikkálaš
servodagaide riddoguovlluin. Ođđa skiippaid huksemii dárbbašedje hirssaid
skiipahuksenindustriijii. 1870 jagiid álggus ledje badjel 200 skiipahuksehaga ja
badjel 2000 bargi miehtá Norgga rittu.
Borjasis dámpii
Maŋŋá jagi 1880 šattai fas heahti skiipajohtolahkii. Máilmmi gávppašeapmái fas
bođii heittot áigi.
“Riddoskiippa boahtin” Frithjof Smith-Hald njuohtan. Ii beaiváduvvon.
Lassin vuoittahalle borjjasskiippaid go ođđaáigásaš dámppat bohte
riikkaidgaskasaš márkaniidda. Dámppat ledje jođánat, ledje stuorra gálvolanjat,
eai ge dárbbašan nu ollu bargoveaga go borjjasskiippat. Lonuheapmi borjasis
dámpii manai Norggas njoazibut go eará riikkain. Eaiggátvuohki lei okta sivva.
