32
ja geainnuid, ruovdemáđijaid, poastta ja telegráfa ráhkademiin. Ollu dáin ođđa
ealáhusain hástaledje buoret bálkkáiguin ja dorvvolabbo birgeneavttuiguin go
eanabargu. Rievdan iešbirgejumi eanadoalus gávpeeanadollui dagahii viiddis ja
vuđolaš nuppástusaid eanadoalu servodagaide. Leat dát rievdamat ja daid
váikkuhusat poehta Inge Krokan lea gohčodan “stuorra hápmemolsašupmin”
eanadoalus.
Sisafárren
Ledje ollu ruottilaččat geat fárrejedje Norgii 1800-logu mielde. Sii barge
eanadoalus, huksejedje geainnuid ja ruovdemáđijaid ja doibme gávppálažžan ja
duojárin.
Ruovttueana
Lohku 1865
Lohku 1875
Ruotta
15 784
29 340
Dánmárku
1 791
2 169
Suopma
1 684
2 709
Duiska
1 257
1 471
Stuorra Británnia + Davvi-Irlánda
348
518
Gáldu: Historjjálaš statistihkka, Statistihkalaš guovddášdoaimmat
Geardduhangažaldagat
1.
Mii lei 1800-logu álbmotlaskama ovddimus sudjan?
2.
Mo nuppástuvai borramušdilli?
3.
Mii lea láigodálolaš?
4.
Man sivas jáhkát njiedjagođii láigoboanddaid lohku maŋŋá 1860-logu?
5.
Man láhkai ođasmahttui eanadoallu?
6.
Mat eavttut ledje deahálamosat gávpeeanadoalu ovdáneapmái?
7.
Makkár vejolašvuođat gávdnojedje sidjiide geat eai ožžon bárggu eanadoalus
maŋŋá jagi 1860?
8.
Man dihtii šattai dárbu hukset geainnuid ja ruovdemáđijaid?
9.
Manne fárrejedje nu ollugat Amerihkkái, jáhkát don?
