36
Borjjasskiippaid eaiggádušše smávit skiipaeaiggádat gos moattis ledje searvan
oastit ovtta dahje moadde skiippa. Go heahti bođii, de ii lean sis ekonomiija
oastit dámppaid. Dan ovdii doalahedje sii daid boares skiippaid ja geahččaledje
dustet heahtedili dainna lágiin ahte geahpededje goluideaset. Boađus lei ahte
skiippaid bajásdoallu šattai váilevaš. Skiippat agáiduvve, ja lihkohisvuođa
statistihkka goarkŋui dađistaga. Go dámppaid lonuhus bođii, de ii dáhpáhuvvan
dat Sørlándda gávpogiin gos borjjasskiipakultuvra lei nanus. Álgo dámppat
bohte gávpogiidda nugo Bergenii, Christianiai, Tønsbergii ja Haugesundii.
Guolásteapmi
Sallitbivdu. Ii beaiváduvvon.
Muorraávdnasiid maŋábealde lei guolásteapmi Norgga dehálamos gávpegálvu.
dehálamos guollešlájat ledje dorski ja sallit. Dorskeguolásteapmi doaimmai
miehtá rittu. Møre-rittus lei buorre gođđodorskebivdu, muhto dat stuorámus
dorskeguolásteapmi lei Lofuohtabivdu maŋešdálvvi ja šakšadorskebivdu
Finnmárkkus. Stuorra gávpeguolásteamit davvin lei stuorámus sivvan dasa ahte
olbmot fárrejedje davásguvlui 1800-logus. Sallit lei eanet stáđismeahttun. 1820:s
bođii sallit Norgga mátta oarjji riddui. Das maŋŋá jođii dat davásguvlui rittu,
