43
Boandapolitihkkár Ole Gabriel Ueland.
Govva ii leat beaiváduvvon.
Okta dehálaš ášši boanddaide lei oažžut
ráđđenvuoigatvuođa doaimmaide mat guske
báikegottiide. Vuođđolága bokte ledje ožžon
váikkuhusa stahtalaš politihka badjel, muhto
ruovttubákkiin ii lean sis mihkkige
dadjamuš. Ledje ámmátalbmát geat lágaid ja
mearrádusaid bokte, maid Stuorradiggi ja
ráđđehus lei addán, mearridedje ahte galge
go skuvllaid hukset, mo gefiid doaimmahat
galggai lágiduvvot, galge go geainnuid
hukset jna. Báikegotti olbmot oassálaste
láhkamearriduvvon gielddalaš kommišuvn-
naid bokte. Jos doaibmabijut gárte máksit,
de válde boanddaid ráđđádallamiidda. Ledje
sii geat loahpa loahpas ožžo rehkega. Muhto
áššeálggaheapmi bođii bajil. Boanddat háliidedje stuorát gielddalaš
iešmearrideami.
Vuođđolágas ii čužžon mihkkige iešmearrideami birra, muhto sihke
boanddat ja ámmátalbmát háliidedje ahte ášši galggai čielggaduvvot. Dan oidne
lean lunddolažžan Vuođđolága vuoiŋŋa ektui, oaivvildedje sii. Sii nammadedje
láhkakomitèa mii galggai bargat dáinna áššiin, ja sii bukte ovdan evttohusaset
1820:s. Evttohus mii sisttisdoalai ahte boanddain galggai lean dušše ráđđeaddi
doaibma ámmátlágádussii, dan eai dohkkehan boanddat Stuorradikkis. Sii
háliidedje
olles
stivrenvuoigatvuođa
buot
áššiin
mat
guske
báikegoddeservodagaide, ja bukte vuosteevttohusa. Ášši lei máŋgii Stuorradikki
meannudusas dassážiigo šattai soahpamuš 1837:s. Dat nu gohčoduvvon
ovdagoddelágat nannejedje ahte galggai leat gielddastivra juohke báikegottis.
Gielddastivrras galggai leat ovdagoddi ja áirrasgoddi. Ovdagotti galggai
sátnejođiheaddji jođihit, ja de galggai válljet áirasiid ovdagoddái ja áirrasgoddái
juohke njealját jagi. Vaikko stáhta ámmátalbmát eai áibbas luoitán suittehiid
gielddaid ektui – báhppa ain galggai leat miellahttu skuvlastivrras, fáldi ja
ámtamánni galggaiga dárkkistit rehketdoaluid, ja ámtamánni galggai dohkkehit
dehálaš mearrádusaid, de ovdagoddelágat adde boanddaide duođalaš válddi
ruovttubáikkis. Muhtun eará politihkaš ulbmil boanddaide lei heaittihit dan
njuolgga eanaopmodatvearu. Maiddái dát gilvu dohkkehuvvui.
