46
boahtte gáibádussii, jienastanvuoigatvuohta buot albmáide, lei váttis oažžut
doarjaga. Boanddat ledje vuostá, ja akademihkáriin ja gávpoga ealáhusdoalliin
ledje máŋggalágan oaivilat. Áigi mii lei báidnojuvvon sosialisttalaš
propagándas, eahpidedje olusat addit bargiide jienastanvuoigatvuođa. Dat
goalmmát stuorra ášši, stáhtaráđiid boahtin Stuorradiggái, lei mii duođalaččat
čohkkii opposišuvnna.
Stáhtaráđit galge boahtit Stuorradiggái
Gažaldat stáhtaráđiid boahtima birra Stuorradiggái ii lean ođas, muhto go
sisafievrriduvvui jahkásaš stuorradiggi jagis1871rájes, šattai gažaldat eanet
áigeguovdil. Sverdrupii lei áibbas mearrideaddji ahte stáhtaráđiin lei
ovddasvástádus dan politihkkii maid sii fievrridedje, ja ahte dat soabai
Vuođđolágain ja dainna maid Stuorradiggi lei mearridan. Danin galge sii boahtit
Stuorradiggái, vástidit gažaldagaid ja digaštallat politihkalaš áššiid
álbmotválljejuvvon áirasiiguin. Ráđđehus lei dan vuostá ja čujuhii
fápmojuogadanvuogádahkii. Fápmojuogadanvuogádat gáibidii ahte dat golbma
stáhtaválddi eai galgan leat sorjavaččat nubbi nuppis. Jos stáhtaráđit galge
boahtit Stuorradiggái ja bealuštit politihkaset, de bođii dat guhkit áiggi vuollái
šaddat nu ahte ráđđehusa váldi biddjui Stuorradikki áigumuša vuollái. Dat bođii
váidudit ráđđehusa váikkuhusa, ja boahtit Stuorradiggái ovdamunnin. Unnit
prinsihpalaš jurdda lei heađuštit ahte ámmátseahtu dássi servodagas galggai
váidut. Ovdal ledje ámmátolbmot iešoaivválaččat láhtten Stuorradikkis, muhto
čoahkkanan boanddat ja radikála gávpotássit ledje čájehan ahte eará joavkkut
ledje gergos badjelasas váldit stivrejumi. Stuorradikki válddi nannen, mávssii
ahte ráđđehusa váldi unnui, ja dat bođii ain eanet váidudit ámmátseadu válddi.
Evttohus stáhtaráđiid boahtima birra
Stuorradiggái,
dohkkehuvvui
golmma
stuorradikkis
maŋŋálagaid.
Ráđđehusa
neavvuma vuođul, biehttalii gonagas dohkkehit
lága. 1880:s dohkkehuvvui evttohus njealját
gearddi, ja gonagas biehttalii vuollái čállit.
Riidu mii joatkašuvai, lei dan birra ahte lei go
gonagasas maŋidan veto vai ollásit veto áššiin
mas Vuođđoláhka galggai rievdaduvvot.
Geassemánu 9.beaivvi 1880 dohkkehii
Stuorradikki eanetlohku ahte Vuođđolága
rievdadusat galge leat fámolačča gonagasa
vuolláičállaga haga.
Govvateaksta: Sverdrupa ráđđehus. Pláhkkát
1884:s
