40
Poastakoarta Christianias. Ii leat beaiváduvvon
Jagi 1835 rájes oaččui stáhtaráđđi beasatlašvuođa dan ruota ministtarlaš ráđđái
dalle go meannudedje olgoriikka áššiid mat Norgii ledje guoskevačča. Ja jagi
1842 rájes sirdojuvvui gávpešiehtadusaid dohkkeheapmi ja konsulaid
nammadeapmi oktasaš stáhtaráđđái gos norgalaččat oassálaste. Dát lei dat
eanemus maid jukse norgga váikkuhusain olgoriikkapolitihkas olles
ovttastusáigodagas.
Norgga gávpeleavgga gilvu
1820- ja 1830-jagiid šattai leavgaášši symbolaáššin Norgga ovttastusa
ovttadássásašvuođa gáibádusas. Ášši ovddiduvvui 1921:s. Jagi1814 rájes ledje
norgga gávpeskiippat johtán dánska gávpeleavgga vuolde, mas lei gal norgga
riikkaledjon bajit gurut čiegas. 1818:s mearridii Karl Johan ahte norgga skiippat
mat johte Gaskamearas Spánia lulá bealde, galge geavahit Ruota-Norgga
ovttastusa gávpeleavgga. Ovttastusa leavga lei ruota leavga mas lei dánska
ruossa bajit gurut čiegas. Duogážin dasa lei ahte ruota eiseválddit fertejedje
máksit divvagiid Davvi-Afrihká riikkaide nu ahte ruota ja norgga skiippaid eai
galgan áhperievvárat fallehit. Go Norga jođii ovttastusaleavgga vuolde, de ii
dárbbašan sierranas divvagiid máksit. 1821:s buvttii Stuorradiggi láhkaevttohusa
ahte norgga gávpeskiippat galge johtit iežaset norgga leavgga vuolde. Norgga
leavgga lei stuorradiggeáirras Fredrik Meltzer (1779-1855) ráhkadan, gii lei
bidjan dánska leavgga vuođđun ja dasa bidjan alit ruossa guovdu. Karl Johan ii
