ALMMI SPEAJAL - Risttalašvuohta ja eallinoaidnu - page 37

37
Čoakkalmas Máhkiris Várjjatnjárggas,
maid báhpa Johan O. Grasmo lea gov-
ven. Gova luoikan: Finnmárkku fylkkagirjerájus. ahte lihkadusas lea leamaš dettolaš mearkkašupmi sámi rist­
ta­lašvuhtii. Váldosivva dasa leat báikkálaš sárdnideaddjit,
geat ieža mearridedje lihkadusa organiserema ja jođiheami.
Sár­dni­deaddjit ledje ieža oahppan dan maid máhtte, ja sis lei
hui buorre biibbalmáhttu. Dan geažil eai dárbbašan olbmot
girje­oahppavaš báhpaid ja sin oainnuid dasa makkár «duoh­ta
rist­ta­lašvuohta» lei.
Leastadialaš sárdnideaddjit fuolahedje maiddái beaivválaš ealli­
ma norpmaid ja árvvuid nu mo dat ledje geavahuvvon máŋg­
gaid buolvvaid áiggi. Dát konservatismavuohki dagahii datte­
ge ahte leastadialaš árbevierru dávjá šattai hui konservatii­va
risttalašvuođa dulkomis ja das mo morála galggai geava­huv­
vot. Dát dilli dáidáge dagahan ahte lihkadusa coakci lea unnon
ođđaset áiggis dađistaga go servodaga ođasmahttin nuppástuht-
ti norgga ja sámi kultuvrra. Máŋgga báikkis leat leastadialaš
čoak­kalmasat oalle unnit ja geasuhit eambbo boares olbmuid
go nuorat buolvvaid.
Servodaga ođasmahttima ja rievdama geažil lea girku ieš dáhtton
fuolahit sámi gáibádusaid ahte šaddat iešheanalažžan. Boa­đus
lea Sámi girkoráđi ásaheapmi ja oallut sámi guovlluid gir­kut leat