30
eanet sámi báhpaid juo 1600-logus). Ovdalgo Porsanger bođii
Čáhcesullui, lei son buohcceviessobáhppa Troandimis. Dasa
lassin lei son veahkkebargin sámegiela vuosttaš professora,
Knud Leema, luhtte. Leem lei 1730-loguin leamaš mišunearan
Porsáŋggus ja báhppan Álttás. Anders Porsanger duššái lihku
hisvuođas. Son vulggii 1780 čavčča Københámmanii, muhto fá-
nas mainna vánddardii, vuojui Risøra olggobeallái ja son duššái
oktan eamidiin ja golmmain mánáin.
Von Westen deaivvadii ollu sámiiguin go mátkkoštii. Son beroštii
sakka ságastallat oskkoldatlaš njunnošiiguin, noiddiiguin.
Muhtomin bođii noaidi su lusa go son orui Dálbmeluovttas,
Oarje-Finnmárkkus. Noaidi bođii dohko go áiggui muitalit ahte
su nieida galgá gásttašuvvot girkus. Mánná lei riegádan duod-
daris ja lei ruovttus gásttašuvvon, ja áhčči hálidii su risti bid-
jat. Dása mieđihii von Westen dieđusge, muhto dáhtui máná
nama diehtit. Go gulai máná namma galggai leat Kari, de dasa
ii liikon. Gástajuolggi luhtte šattai máná namma Maria. Mii eat
dieđe manne von Westenii lei namma váttisvuohtan. Dáiddii
dat dolvon su jurdagiid báhkinvuhtii? Mearkkašan veara lei goit
ahte noaidi buvttii máná girkui vaikko ieš lei noaidi. Árvideamis
lea dát leamašan dábálaš vierrun. Go bohte dáža servodahkii
mearragáddái, de lei lunddolaš heivehit diliide mat doppe ledje.
Dat dilli ii dárbbaš leat leamaš nu earálágan go siseatnamis.
Muhto doppe ii lean girku ja báhppa ja nu sáhtii joatkit dološ
vieruid. Alit fámut ledje iešguđetláganat ja ráđđejedje iežaset
guovlluid. Risttalašvuođa ipmil lei duohtavuohta dážaid gaskkas
ja dasa fertii heivehit. Eará báikkiin ledje almmatge eará fámut
mat ráđđejedje. Sámiid boares oskkoldat lei fleksibal ja olbmot
eai beroštan das ahte oskkoldat dárbbašii leat ovttalágan juoh
ke sajes. Dain «earáin» lei dákkár beroštupmi ja váttisvuođat
šadde olbmuide go gáibiduvvui ovttaláganvuohta.
Dán áiggi idealaid ja norpmaid mielde dadjet muhtimat ahte von
Westen stivrii garragieđain ja bijai deattu olbmuide ahte galget
jorgalusa dahkat ja lohpidit ahte eai šat bálval eahpeipmiliid.
SDu áiggis ledje servodaga norpmat dattege áibbas earaláganat.
Son ii dáidán leat eambbo garragieđat go dat mii vurdojuv-
vui almmolaš riektegottis. Von Westen sárdnidii nu ahte olb-
muide šattai stuora sielumoraš, muhto ii dáidán leat njuolgut
