22
Amerihkás 1960logus. Áigumus lei biibbalis oažžut oaivádusa
dasa ahte vuostábargat politihkalaš ja sosiála vealaheami. Asias
beroštedje risttalaččat eambbo das mo risttalašvuohta sáhtášii
lahkonit árbevirolaš kultuvrii, ja maiddái eará oskkoldagaid
fátmmastit. Muhtin teologat leat geahččalan áddet daid eará
oskkoldagaid (nu mo hinduismma, buddhismma ja kiinnálaš
oskkoldaga) seammaládje go risttalaččaid oaidnu boares testa
mentii. Seammá ládje go Eurohpá risttalaččat leat dulkon ristta
lašvuođa ruohttasiid juvddálaš oskkoldaga čuovggas, nu maid
dáhttot Asia risttalaččat lohkat risttalašvuođa daid oskkol
dagaid čuovggas mat sin iežaset servodaga leat váikkuhan. Nu
váikkuhuvvo biibballohkan máŋggabealátvuođas mas servodat,
kultuvra ja iežas vásáhusat šaddet guovddážii biibbalteavsttaid
dulkomis. Sámis leat maiddái maŋemus jagiid geahččaladdan
dákkár prinsihpaid teologalaš barggus. Nu lea árbevirolaš sámi
oskkoldat ođđasis lohkkojuvvon dainna ulbmilin ahte buktit
ovdan mo Ipmil lea leamaš áiggis
ovdalgo
báhpat ja mišunearat
bohte risttalaš sárdnidemiin.
Č O A H K K Á I G E A S S U
IEŠGUĐET LÁGAN BIIBBALOAINNUT
•
ÁDDET BIIBBALA BUSTÁVALAČČAT
Muhtin risttalaččat oaivvildit ahte buot mii biibbalis čuožžu lea
Ipmila iežas sánit. Sii oaivvildit ahte Ipmil ii sáhte boastut dahkat,
ja danne lea buot mii biibbalis čuožžu, duohta. Dan galget buot
risttalaččat čuovvut. Dán biibbaloainnu gohčodit namain:
Funda-
mentalisma
.
•
ÁDDET BIIBBALA HISTORJJÁLAČČAT JA KRITIHKALAČČAT
Historjjálaš dutkit leat áiggiid čađa gávnnahan ahte biibbal ii sáhte
leat šaddan magiijalaččat. Olbmot leat guhkes áiggiid čađa čállán
buot mii biibbalis čuožžu. Olbmot leat čállán dan áiggis go sii elle,
ja sii jurddašedje, osko ja jáhkke eará láhkái go otná olbmot dah
ket. Risttalaččat geat dorvvastit
historjjálaš-kritihkalaš biibbaloidnui
oaivvildit ahte oskut Jesusii lea dehálat go jáhkkit ahte buot mii
biibbalis čuožžu leat Ipmila sánit.
