13
Čájet buorrevuođa ja áddejumi buot
olbmuide, álege olgguš ovttage.
© Britt Hansen.
soahtái bahá fámuid vuostá. Osku Ipmilii gii šaddá olmmožin,
earuha risttalašvuođa islámas ja juvddálašvuođas, muhto osku
ovtta áidna sivdnidanipmilii, earuha risttalašvuođa indialaš ja
kiinnálaš oskkoldagain.
Risttalašvuohta ii leat láhkaoskkoldat
Risttalašvuođa eará dovdomearka lea ahte dat ii leat láhkaosk
koldat. Biibbalis leat gal olu báhkkomat ja gildosat, erenoamážit
boares testameanttas mii lea juvddálaččat biibbal. Risttalaš jur-
daga mielde eai geatnegahte báhkkomat ja gildosat risttalaččaid.
Sii vuođđudit dán oainnu dasa maid Jesus vástidii go hástaluvvui
dadjat mii lága mávssolaččamus báhkkon lei. Son dajai: «Mávs
solaččamus báhkkon lea dát: Gula, Israel! Hearrá Ipmileamet,
Hearrá lea áidna Ipmil. Don galggat ráhkistit Hearrá Ipmilat
oppa váimmustat ja oppa sielustat ja oppa mielastat ja oppa
fámustat. Nubbi lea dát: Don galggat ráhkistit lagamuččat nugo
iežat. Ii mihkkege báhkkomiid leat stuorát go dát guokte» (Mar-
kus 12: 29-31, loga maid Matteus 22: 34–39 ja Lukas 10: 25–27).
Ráhkisvuohta ovtta áidna Ipmilii ja lagamuččaide čoahkkáigeassá
olles juvddálaš lága, Jesusa cealkima vuođul. Girku bođii árrat
dan oaivilii ahte láhka, vaikko dat muitala Ipmila dáhtu, ii rehke
nastojuvvo geaidnun bestojupmái. Olmmoš ii bestojuvvo lága
doallamiin. Risttalaš jurdaga mielde lea geaidnu mii beastá
olbmo dat, ahte oskut Jesusii ja su daguide olbmuid dihtii.
