10
Rohkos ávžžuha vurket
máddariid vieruid
ja
buot divrras árvvuid
mat čatnasit sidjiide. Leago globáliseren fuomásuhttán girku
ahte árbevirolaš dábit eai dárbbaš áddejuvvot risttalašvuođa
vuostevuohtan. Olbmuid eallinvuohki risttalaš oskkuin Kiin-
nás, Afrihkás, Latin-Amerihkás ja eará báikkiin lea dávjá hui
earalágan go dat Ipmila bálvalanvuohki mii girkuin lea Norggas.
Mo váldit vára sámi vieruin? Danmárkkus/Norggas lei 1600 ja
1700loguin ain oktomearridanválddi áiggi mas gonagas mear
ridii stáhta oskkoldaga. Dan áiggis lei mávssolaš nannet riikka
oktasašvuođa ja gáibidit oskkoldatlaš oktasašvuođa: Okta Ip
mil – okta gonagas – okta stáhta – okta oskkoldat. Dán áiggi lea
mis pluralisttalaš servodat, mas fas leat eará gáibádusat. Oslo
duopmogirku ovddasrohkosis oaidnit ahte maiddái girku lea
rievdame.
Jesus-mánná eatnis askkis – málejuvvon
1984:is Wang Hon-yi, r. Kiinnás 1942:s.
Gáldu: Masao Takenaka & Ron O’Grady, The Bible
through Asian eyes Pace Publishing, 1991, s.81.
DIGAŠTALLAN
Maid mearkkaša dat ahte vur
ket «máddariid vieruid»? Mak
kár vieruid sáhttá dás oaivvildit?
Leatgo rájiid das maid dáin vie
ruin sáhttá dohkkehit? Mo sáht
tá mearridit mat leat «buorit»
ja «heajos» vierut – ja gii galgá
mearridit mii lea buorre ja mii ii?
Universála risttalašvuohta
Dávjá daddjo ahte risttalašvuohta lea
univers
á
la
oskkoldat
.
Dat mearkkaša ahte guovddáš sisdoallu ii rievdda vaikko
dán sága sáhttá ovdanbuktit máŋgga láhkái. Ovda
mearkka dihtii oskot buot risttalaččat ahte Jesus
lea jápmán ja bajásčuožžilan, muhto dán oskku
sáhttá ovdanbuktit máŋgga láhkái, earret eará
dáiddalaččat. Jesusgovat maŋŋelis čállagis
leat čielgasit báidnojuvvon dan kultuvrras
mas sin vuolgga lea. Sáhttá dadjat ahte go-
vat ovdanbuktet
inkarnašuvnna
1
: Jesus lea
dás šaddan olmmožin
iešguđetlágan kul
tuvrraide. Dákkár dáiddalaš ovdanbukti-
mat addet assosiašuvnnaid mat leat áib-
bas earáláganat go dat mo mii leat hárjánan
govahallat Jesusa.
Digaštala govaid ja makkár assosiašuvnnaid
don oaččut go geahčat govaid. Mat leat govaid
kultuvrralaš mihtilmasvuođat ja mat leat uni
versála oasit? Gávnnat go eará kultuvrrain Kristus-
govaid? (geavat interneahta) Makkárin don jáhkát livččii
sámi
Jesusgovva ?
1 Inkarnašuvdna mearkkaša ahte Jesus šattai olmmožin.
