ALMMI SPEAJAL - Risttalašvuohta ja eallinoaidnu - page 18

18
Č O A H K K Á I G E A S S U
BIIBBALČÁLLAGAT
• BIIBBALIS LEAT GUOKTE OASI.
BOARES TESTAMEANTA JA OĐĐA TESTAMEANTA.
Boares Testameantta profehtaid girjjit, poehtalaš čállagat ja
viisodatgirjjálašvuohta leat guovddážis dán oahppogirjjis.
Ođđa testameanttas leat Paulusa girjjit guovddážis dán oahp­
pogirjjis.
• PROFEHTAID GIRJJIT
einnostit lihku ja ovdáneami álbmogii ja riikii.
sivahallet politihkkáriid ja eiseválddiid go dáhpáhuvvá eahpe­
vuoiggalašvuohta.
čilgejit mii dáhpáhuvvá jus olbmot eai čuovu lága maid Moses
lei ožžon Ipmilis.
• VIISODATGIRJJÁLAŠVUOHTA
muitala maid čállit jurddašedje eallima, ilu ja biinnu birra.
• POEHTALAŠ ČÁLLAGIIN
sáhttá lohkat ráhkesvuođadivttaid, sálmmaid ja váidalusaid
• PAULUSA GIRJJIT LEAT OĐĐA TESTAMEANTTAS
Paulusa girjjiin sáhttá lohkat mo Paulus rávve searvegotteláh­
tuid ja veahkeha čoavdit sin váttisvuođaid.
• BOARES JA OĐĐA TESTAMEANTTA GASKAVUOHTA
Máŋgga sajis Boares Testameanttas čuožžu ahte juvddálaččat
galge vásihit bestojumi. Risttalaččat oskot ja jáhkket ahte Ip­
mil doalai lohpádusas go sáddii Jesusa eatnamii. Sii oskot
ahte Jesus lea buot álbmogiid beasti. Ođđa Testameantta
evangeliumain sáhttá lohkat Jesusa eallima ja daguid birra.
Jesus ásahii ođđa lihtu Ipmila ja olbmuid gaskii. Dat lea ain
fámus.
B A R G O B I H T Á T
1: Ohccet Biibbala čálabáikki: Jes
2: 4 ja Mika 2: 1­13. Lohkket daid ja
árvvoštallet mii teavsttain čuožžu, mu­
itala/čájeha ahte dát leat profehtaid
girjjiin?
2: Ohccet ja lohkket Biibbala čálabáikki
Jer 7:1­15. Duopmosániin lea čielga
sáhka sosiála vuoiggalašvuođas. Mo
lea álbmot verrošan? Mo dii jáhkki­
behtet duopmoprofehtat livčče min
servodaga birra sárdnon?
3: Ohccet Biibbala čálabáikki: Sálm­
maid girjji 1: 1­6 ja Allalávlla 2:1­14.
Lohkket daid ja árvvoštallet leat go
oskkoldatlaš­ vai máilmmálaš poesiija.
Allalávlla 2:1­14 lea ráhkesvuođadikta
gaskal ráhkistuvvon nissona ja albmá.
Nieiddat ja gánddat sáhttet koara­
lohkamis vurrolagaid lohkat strofaid.
Nieiddat álggahit ja gánddat čuovvolit
nuppi strofas, ja nu jotket nieiddat ja
gánddat juohke nuppi strofa.
4: Ohccet ja lohkket Biibbala čála­
báikki: Sárdnideaddji 1:12­18 ja 2: 1­11.
Árvvoštallet ja digaštallet guđe čála­
šládjii dát gullá.
5: Paulus/Bávlos čálii girjjiid, dahje
reivviid ja daid bokte oahpahii ja rávvii
iežas searvegotteláhtuid ahte duohta
osku boahtá olbmuid siskkimuččas, iige
lágaid bokte. Ohccet ja lohkket Biibbala
čálabáikki: Bávlosa girji Romalaččaide
2: 17­29.