19
Iešguđetlágan biibbaloainnut
Eanas risttalaš olbmot oaivvildit Biibbal lea ráhkaduvvon guhkes
proseassas. Girku mearridii easkka 300-loguin loahpalaččat
makkár čállagat galget leat mielde ja makkárat eai galgga.
Guovddáš eaktun guhtemuš čállagat galge váldojuvvot ođđa
testameantii lei dat ahte leigo jáhkehahtti ahte čálli lei leamaš
Jesusa apostal, dahje goit okta geas lei lagas oktavuohta dán jov-
kui. Čállagat galge sisdoalu dáfus soahpat oktii risttalaš oskkuin
nu mo girku dovddastusas čilgejuvvo. Muhtin birrasiin bohte
ođđa teavsttat. Čuoččuhuvvui ahte dát bohte apostaliin. Dain
lei almmatge ođđa ja spiehkastuvvon sisdoallu. Dáid jurdagat
ledje báidnojuvvon čiegus (esoterikos) oskkoldatlaš birrasiin.
Dan dihtii lei girku oaivila mielde dárbbašlaš iskat čállagiid
kritihkalaš vugiin vai girkui ii buktojuvvo vearri oahppa.
Dalle go girku ain lei nuorra, lei áibbas dárbbašlaš lohkat rist
talaš čállagiid kritihkalaš čalmmiiguin, dan dihtii go eai lean
vel olahan ovttamielalašvuođas das makkár čállagat ledje
árvvolaččat ja mat eai lean. Go čállagat ledje čohkkejuvvon ja
geavahuvvon máŋgga buolvvas bassi čálan, de lei dilli earálágan.
Jesusa eallin ja sárdnun lea vuođđun
Ođđa testamentii, ja erenoamážit dat
njeallje evangeliumma. Pontius Pila
tus dupmii Jesusa ruossajápmimii.
Risttalaš oskku mielde lea son Ipmila
bárdni, ja son bajásčuožžilii jápmimis.
Albrecht Altdorfer (ca 1480–1538).
