ALMMI SPEAJAL - Risttalašvuohta ja eallinoaidnu - page 23

23
Áigeguovdilis risttalaš gažaldagat Dán teakstaoasis galggat don ohcat digitála dieđuid ja ovdan-
buktit áigeguovdilis gažaldagaid main ollu risttalaččat beroštit.
Muhtin skuvl aprošeavttas bijai muhtin oahppi ávžžuhusa dán
neahttabáikáiwww.diskusjon.no. Das son bivddii vástidit čuov­
vovaš fáttá mo risttalašvuohta oaidná Ipmila, bestojumi, olbmo,
eallima jápmima maŋŋil ja risttalašvuođa sága. Son oaččui olu
oainnuid vástádussan ávžžuhussii. Muhtimat bukte ovdan sakka
negatiivvalaš miellaguottuid ja earáin lei eambbo ozadeaddji ja
guorahalli oaidnu. Go dákkár gažaldagaid galgá válljet ja oažžut
daid čuvgejuvvot interneahtas, de sáhttá leat vuogas ahte ii
dušše oza ja bivdde vástádusaid gažaldagaide maid ieš jearrá,
muhto baicca geahččala iskat mo olbmot dáid gažaldagaid gieđa­
hallet, dulkojit ja čilgejit ákkaiguin.
Mii lea Ipmil? Jearaldagas Ipmila birra vástidii muhtin ná: «Ipmilat leat ráhka­
dusat maid olmmoš dahká go dárbbaša čilget dan mii lea čilge­
meahttun. Dáid dárbu lea unnon dađisdaga go dieđa lea vástidan
measta visot oskkoldatlaš gažaldagaid ja gávdná ođđa vástá­
dusaid dađistaga mat dahket ipmila dahje ipmiliid leahkima
eambbo ja eambbo jáhkkemeahttusin.» Dán čuoččuhusa sáhttá
ságaskuššat vai oaidná leago dat doallevaš ja vai sáhttá eambbo
dadjat oskku ja diehtaga gaskavuođa birra. Leatgo ovdamearkka
• ÁDDET BIIBBALA DÁLÁ SERVODAGA ČUOVGGAS
Eanaš risttalaččat geat lohket biibbala ohcet teavsttain dan dehá­
leamos oasi. Dan sii heivehit iežaset eallindillái ja áigái. Sii oskot
ahte čállit ožžo Ipmilis dieđuid ja čálle daid iežaset láhkái, iežaset
eallindilis ja áiggis. Datte oskkolaš sisdoallu lea áigeguovdil agi­
beaivái, oaivvildit sii. Dan sáhttá lohkat vaikko goas ja vaikko gos
máilmmis, ja lihkká áddet oskkoldatlaš sisdoalu. Dát gohčoduvvo
konteakstalaš biibbaloaidnun.
DIGAŠTALLET:
Ohccet ja lohkket Biibbala čálabáikki: Ef 5:21­33 (OT). Mo sáhttá dán
teavstta mielde eallit iešguđet biibbaloainnuiguin?