7
Risttalašvuohta ja
eallinoaidnu
Eallinoainnut ja oskkoldagat speadjalastet olbmo čiekŋalis
oaiviliid ja leat áiggiid čađa váikkuhan ja hábmen oktagaslaš
olbmuid, searvevuođaid ja servodagaid juohke kultuvrras. Mii
dárbbašit dovdat oskkoldagaid ja eallinoainnuid, vai máhttit dul-
kot eallima ja iežamet kultuvrra ja eará servodagaid kultuvrraid
miehtá máilmmi. Risttalaš osku ja árbevierru lea čuđiid jagiid
báidnán sámi ja norgga kultuvrra. Humanisttalaš árvoárbevierut
leat maiddái viiddidan dán kulturárbbi. Servodahkii lassánit
dađisdaga eambbo eallinoainnut mat hábmejit servodaga. Dát
dahká dárbbašlažžan dovdat oskkoldagaid, eallinoainnuid, etih
ka ja filosofiija, vai bastá ipmirdit eallindulkojumi, etihkkalaš
dihtomielalašvuođa ja áddejumi rastá osko ja eallinoainnuid.
Maid mii galgat oahppat?
Oahpahusa mihttomearri lea ahte oahppi galgá máhttit
•
Čilget risttalašvuođa ja risttalaš oskku eallináddejumi erenoamáš
vuođa eará árbevieruid ektui: ovttaláganvuođat ja vuođđoerohusat.
•
Gávdnat guovddáš čállagiid Biibbalis ja čilget Boares testameantta
ja Ođđa testameantta gaskavuođa.
•
Ságaskuššat válljejuvvon biibbalteavsttaid profehtaid girjjiin, poeh
talaš čállagiin ja osiid viisodatgirjjálašvuođas, ovtta evangeliuma ja
ovtta Paulusgirjji ja čilget dáid čállagiid erenoamášvuođa ja váldo
jurdagiid.
•
Ságaskuššat iešguđetlágan biibbaloainnuid.
•
Gávdnat digitála dieđuid áigeguovdilis gažaldagaid hárrái main olu
risttalaš olbmot beroštit ja daid ovdanbuktit.
•
Buktit vuođđuduvvon čilgehusa dehálaš dáhpáhusaid birra risttalaš
vuođa historjjás reformašuvnna rájes min áigái Norggas ja máilm
mis ja risttalašvuođa sajádaga dálá áiggis.
Ruossa lea čatnon risttalašvuhtii ja Jesu
oaffarjápmimii. Danin ruossa lea maid-
dái jápmima symbola.
© Britt Hansen.
