ALMMI SPEAJAL - Risttalašvuohta ja eallinoaidnu - page 45

45
miid ja eallit buhtes eallima. Mo dákkár eallin galgá leat, rievd-
dada olu áiggi mielde. Ovddeš áiggis ávžžuhedje ahte eai galgga
mannat kinoi, teahterii, ođđaáigásaš musihka guldalit, dánset ja
mohtabiktasiid geavahit. Ođđaset áiggis eai šat deattut dáid be­
liid nu olu, muhto baicca rávvejit ahte eallinvádjolusas eallá iežas
oamedovddu mielde. Almmatge bissot fámus vuođđonorpmat
mat čatnasit konservatiivvalaš biibballohkamii. Hellodatusti­
bat oahpahit ahte oskkolaš olbmuin lea stuora friddjavuohta,
muhto almmatge galgá lohkat biibbala nu ahte ii duolmmas
badjel rájiid. Go olmmoš jorrala eret, de Ipmil ii guođe su. Ipmila
ándagassii addin han guoská vuosttažettiin suttolaš olbmuide.
Č O A H K K Á I G E A S S U
FRIDDJAGIRKUT JA RISTTALAŠ LIHKADUSAT
Friddjagirkut šaddagohte go gonagas, stáhta ja eiseválddit stivregoh­
te olbmuid oskkoldatmeanuid. Eai buohkat dohkkehan dan. Olbmuin
leamaš ja leat iešguđet oainnut dasa mo oskut ja mo risttalaš njuolgga­
dusaid hábmet ja čuovvut. Earret Norgga girkui mii lea Luthera evange­
lalaš girku, leat Norggas ollu risttalaš oskuservodagat mat maiddái leat
vuolgán protestánttalaš risttalaš árbevierus. Stuorámusat leat: Hello­
datustibat, metodisttat, baptisttat, adventisttat, luhteralaš friddjagirku
ja miššuvdnalihttu.
• METODISMA
Metodisma vulggii Englánddas 1700­logus. Metodisttaid oahppu
lea persovnnalaš risttalašvuođa áddejupmi ja vásihus. Olbmot ožžot
Ipmilis ándagassii addojumi ja vejolašvuođa «álgit ođđasit». Jesus,
ja ahte son lea Ipmila bárdni, lea guovddážis sin oskkoldagas.
• HELLODATUSTITLIHKADUS
Hellodatustitlihkadus bohciidii Amerihkás ja joavddai Norgii jagi
1906. Daid vuolde leat máŋga risttalaš servodaga. Hellodatustibat
dutket biibbala ja sii fállet oahpu gos olbmot sáhttet vuodjudit biib­
balmáhttui. Hellodatustitlihkadus hilgu mánágástta. Olbmot galget
rávisolbmo agis mearridit dáhttot go čuovvut risttalaš eallinvuogi.
Dalle sii gásttašuvvojit (áinnas olles gorudin čázevuollái) ja dasto
dustejit bassi vuoiŋŋa. Dán olmmoš vásiha persovnnalažžan ja dat
dáhpáhuvvá su siskkáldasas. Dán láhkái son lea boahtán oskui, ja
šaddá Kristusa láhkásažžan. Maiddái hellodatustibiid gaskkas lea