55
Bassiolbmot
Katolalaš osku bajida muhtin olbmuid bassiolmmožin. Dat leat
olbmot geat leat vihahan eallineaset risttalaš ja bassi daguide.
Ollu martyrat ja álgo risttalaččat leat bajiduvvon bassiolmmožin.
Norggas bajiduvvui Bassi Olav, (Olav den Hellige) bassiolmmožin
maŋŋá jápmima. Son lea ge dat gii álggus buvtti risttalašvuođa
Norgii. Maiddái eará olbmot leat bajiduvvon bassiolmmožin.
Deháleamos bassiolmmoš lea nieida Márjá, Jesusa eadni. Bassi
olbmot leat almmis ja láhka Ipmila, ja danne lea dábálaš gohččut
sin rohkadallat min ovddas. Bassiolbmuid ávdnasat ja juoga
masa sii leat guoskan dahje oamastan (relikviat), leat báikkit
gos ollugat bálvalit dihto bassiolbmo. Gaskkaáiggis vádjoledje
ollugat báikkiide gos sáhtte leat láhka bassiolbmuid ávdnasiid
ja hávddiid. Dat gohčoduvvo namain; bassivádjolus.
Olgeš bajit: Bassi Nicolaus lea dehálaš bassiolmmoš katolalaš ja orto
doksalaš girkus.
© Shutterstock.
Olgeš gasku: Bassi Olav (Norgga gonagas 1015–1028) dagahii risttalaš
vuođa stáhtaoskun Norggas.
© Ine Eriksen / Maihaugen Museum.
Vuolit: Áltárskáhppa Trondenes girkus, gasku leat bassinissonat, Ánna,
Márjá ja mánná.
