56
Ortodoksa risttalašvuohta
Ortodoksa girkus leat birrasii 250 milj miellahtu miehtá máilm-
mi, ja lea viidámus Greikkas, Ruoššas, Serbias, Bulgarias, Roma-
nias, Ukrainas, Kyprosis, Georgias ja Makedonias. Muhto dađe
mielde go olbmot leat johtán ja fárrestaddan, de gávdno dál
ortodoksa risttalašvuohta miehtá máilmmi. Dávjá mii dadjat
Ruošša-ortodoksa girku dahje Greika-ortodoksa girku. Dat leat
máilmmi stuorámus ortodoksa searvegottit. Maiddái Suomas
leat Ruošša-ortodoksa searvegottit ja girkut. Njávdámis Norgga
bealde Sámis lea Ruošša-ortodoksa girku. Doppe lea ipmilbálva-
lus juohke jagi, borgemánus. Ruošša-ortodoksa girku Njávdámis
lea lunddolaš go leamaš áiggiid čađa lagaš oktavuohta ruoššaid
ja nuortasámiid gaskkas.
Patriarkáhtat
Ortodoksa mearkkaša
rivttes osku
. Ortodoksa risttalaččat oaivvil
dit ahte sii čuvvot dan duohta ja árbevirolaš risttalašvuođa ja
Kristusa bálvaleami. Ortodoksa girkus ii leat pava, muhto njeal
lje dološ patriarkáhta, dahje guovllu. Dat leat Konstantinopel
(otná Istanbul), Jerusalem, Antiokia ja Alexandria. Dáid guovl
luid, dahje patriarkáhta jođihit patriárkkat. Sii rehkenastojit
ortodoksa girku oaivámuššan. Patriárka mearkkaša áhčči, ja lea
Ruošša-ortodoksa kapealla Njávdámis.
