62
•
Ortodoksa risttalaččat ja katolihkat oskot ja jáhkket ahte Jesus lea
sihke ipmil ja olmmoš ja ahte son lea suddutkeahtes ja addá ánda
gassii olbmuide geat gáhtet.
•
Protestantisma vulggii katolisismmas 1500logus Duiskkas. Luther lei
guovddážis dán barggus. Son ii lean ovttaoaivil das maid katolihkalaš
báhpat oahpahedje olbmuide risttalašvuođa birra.
•
Protestantisma deattuha persovnnalaš risttalaš oskku. Sii jáhkket
ahte lea okta ipmil. Rituálat ja čáppa čiŋat eai leat guovddážis sin
risttalašvuođa oskkus.
•
Protestantisma leavai ollu Eurohpá riikkaide. Dat gohčoduvvo maid
dái namain:
Luther-evangelalaš girkun.
•
Protestánttain ii leat bajimus báhppa dahje hoavda.
•
Sihke ortodoksa risttalaččat, katolihkat ja protestánttat oskot ovtta/
seammá ipmilii mii lea sihke áhčči, bárdni ja bassi vuoigŋa.
Luthera unna katekismus maid son almmus-
tahtii 1529. Son čálii dán mánáidoahpahussii.
Katekismma lea maiddái anus Norgga girkus
dovddastusčálusin.
