71
Č O A H K K Á I G E A S S U
GIRKODÁIDDA, ARKITEKTUVRA
JA MUSIHKKA
Juohke álbmogis leat su iežas eallinvuogit, kultuvra ja iešvuođat. Nu lea
maiddái sámiin. Identitehta, kultureallin ja oktasaš symbolat huksejit
nana oktavuođadovddu, ja leat álbmoga oktasaš dovdomearkkat.
•
Máŋga sámi girkodálu leat hábmejuvvon movttegis ja šerres ivnnii
guin. Dat lea sámi árbevierru. Áltárgovat muhtin girkuin čájehit
sámi risttalašvuođa. Girkodálut erenoamážit duottarguovlluin sá
mis leat dávjá smávvá. Dat leat huksejuvvon dan mielde man ollu
olbmot ledje, ja makkár huksenávdnasat ledje fidnemis. Ávnnas
fievrrideapmi maid ii lean álki dan áigge go girkut huksejuvvojedje.
Ollu girkut leat huksejuvvon muoras ja leat vuollegaččat. Dán áigge
sáhttá ipmilbálvalus ja girkostallan dáhpáhuvvat lávus dahje olgun.
Dat dahká sámiid risttalašvuođa oahpisin ja lahka sin kultuvrra ja
eallindili. Dán láhkái osku ollá váibmui.
•
Sálmmat ja sálbmalávlun lea dehálaš leastádialaš oskkoldagas
ja sámi risttalašvuođas. Sálbmalávlun leamaš ja lea ain dábálaš
sihke ruovttuin ja leastádialaš čoakkalmasain. Maiddái luohti lea
šaddamin dábálažžan girkus.
Norgga girku fállá risttalaš e-
oahppu mánáide- ja nuoraide
interneahta bokte:
