76
dit kritihka ođđaoskkoldatvuhtii ja eará vugiide main sin mielas
lea eahperašunálitehta. Lihttu lea maid dađistaga kritihkalaš
čalmmiiguin geahččan iešguđetlágan fundamentalisttalaš ja
politihkalaš islámavugiide.
Organisašuvdna
International Humanist and Ethical Union
ásahuvvui jagis 1952. Njeallje jagi maŋŋil ásahedje norgga
oalgeorganisašuvnna ja vuođđudeaddji lei Kristian Horn
(1903–1981). Son ovdánahttii dán eallinoainnu ja jođihii lihtu
20 jagi. Horn bajásšattai risttalaš rohkosviessobirrasis, muhto
16jahkásažžan son buvttehii eará oidnui. Horn lei oahppan
biologa. Su sierra fágasuorgi lei systemáhtalaš botanihkka, ja
sierraberoštumit ledje genetihkka, cytologiija ja evolušuvdna
teoriija. Vaikko su ámmátbargu lei bargat luonddudiehtagiin, de
čállagiin vuhtto hui stuora ipmárdus idehistorjái ja filosofiijai.
Son beroštii sakka luonddudiehtaga ja kulturdiehtaga gaska-
vuođas, ja erenoamážit das mo dieđalaš jurddašanvuohki livč
čii sáhttán leat olbmuid eallinoainnu váldogáldun. Horn dajai
ahte mii guoská ipmiloskui, de lea sus
agnostalaš
oaidnu. Dat
mearkkaša ahte son ii buvtte oaivila doarju go son vai vuost-
talda go oskku Ipmilii. Su oaivila mielde lei doarvái luohttit
olbmo návccaide, vásáhusaid čohkket ja dulkot dáid iežas kri
tihkalaš jirpmiin,
rašunalitehtain
. Sutnje lei rašunealla jierbmi
vuođđonákca das mo olmmoš birge eallimis ja sáhttá dovdduid
dásis gulahallat iežas mielsivdnádusaiguin. Dan seammás lei
sutnje dehálaš čujuhit ahte olbmo jierpmis leat rájit ja gávdnojit
olu gažaldagat maidda ii leat sihkkaris vástádus. Dan sadjái go
oskkugovahallamiidda dorvvastit mat eai vuođđut vásáhusaide
ja jierbmái, de berre baicca vuollegašvuođain geahččalit eallit
eahpádusain almmá ahte šaddá dorvvohisvuhtii.
DIGAŠTALLAN
Sáhttá go olmmoš eallit nu ahte
eai leat čielga vástádusat eallima
deháleamos gažaldagaide?
Mo sáhttá vuollegašvuođain eal
lit iežas eahpádusain almmá ahte
šaddá dorvvohisvuhtii?
DIGAŠTALLAN
1:
Evttot moadde čuoggá mo
don čilgešit dan mo olmmoš
sáhttá áddet máilmmi ( duohta
diliáddejupmi), olbmo ja eal
lima guovddáš árvvuid?
Mo don ákkastalat oainnuidat?
(Eai dieđusge dárbbaš leat du
iežat oainnut!)
2:
Mii lea
eahperašunálitehta
?
Mo mii mearridit mii lea rašu
nealla ja mii lea eahperašu
nealla?
