ALMMI SPEAJAL - Risttalašvuohta ja eallinoaidnu - page 81

81
olmmoš áddejuvvo leat luonddugáhppálahkan – okta ealli eará
elliid gaskkas, vaikko olbmos leat muhtin sierralágan kvali-
tehtat mat eará elliin eai leat. Naturalisttalaš geahččanvuogis ii
leat sáhka ahte olbmos livččii vuoiŋŋalaš bealli earret go sátni
dan kultuvrra hárrái maid olmmoš buvttada. Girjjálašvuohta,
musihkka, govat lea olbmo vuoiŋŋalaš kvalitehtaid ovdameark­
kat. Dán áddejumis lea maiddái dábálaš oaivvildit ahte oskkoldat
lea olmmošlaš doaimma lunddolaš boađus. Dat máksá olbmo
hutkáivuohta ja govahallan – nu mo buot eallinoainnut leat.
Vuoiŋŋalašvuohta lea kultuvra.
Naturalisma­eallinoaidnu ii viečča etihka mastege mii lea olggo­
bealde olbmo eallima. Eai gávdno ipmila addin báhkkomat dahje
eará mii sáhtášii biddjot alimus norbman. Naturalisttalaš etihka
jurddavuođđu lea ideálain mat huksejit dasa mii addá buore­
mus bohtosa (váikkuhusetihkka), makkár mihttomearri lea
buoremus min daguide (ulbmiletihkka) dahje maid mii soahpat
searválaga (ovttasdoaibmanetihkka) – dahje juoga earái mii
gávnnahuvvo leat jierpmálažžan ja deaivilin.
Dan dihtii naturálisma namahus lea dakkár mii sáhttá leat
vejolaš eallinoaidnu, vaikko dát meroštallojuvvo leat varián-
tan eallinoaidnohumanismmas.
Holistalaš eallinoaidnu Ođđaseamos eallinoaidnoservodagaid gaskkas Norggas lea
Holisttalaš Lihttu (Holistisk Forbund). Dat ásahuvvui jagis 2002.
Dát lea ovttastus mas olbmot dáhttot friddja vugiin ohcat eallin-
áddejumi ja eaige leat giddejuvvon sajáiduvvan ideaide mat
organisašuvnnain dahje árbevieruin leat. Lihttu čilge iežas birra
ná muhtin gihppagis:
Holisttalaš Lihttu lea eallinoaidnoorganisašuvdna mii áigu
ovddidit ja fuolahit oktagaslaš olbmuid ja joavkkuid rievtti
ja vejolašvuođa ohcat ja eallit iežas eallinoainnuin. Holisma
sisttisdoallá dovddidusa ahte buot gullá oktii ja mii leat oassin
dan oktasaš vuoiŋŋalaš duohtadilis. Holisttalaš Lihttu earuha
vuoiŋŋalašvuođa ja oskkoldaga gaskkas. Mii doahttalit ahte
olbmuid áddejupmi ja duohtadilli máilmmis leat rievddalmasat.
DIGAŠTALLAN
Geahččal buktit ovdan muhtin
dehálaš osiid holisttala eallinoain­
nus nu mo lihtu neahttasiidduin
čilgejuvvo: ( http://www.holisme.
no/).
Áiccalmahte sin duohtadiliádde­
jumi, olmmošoainnu ja etihka.
Digaštallet mo dát eallinoaidnu lea
earalágan go eallinoaidnohuma­
nisma (humána­etihkalaš eallin­
oaidnu) ja oskkoldatlaš (omd.
risttalaš) eallinoaidnu.
l
k
k
o