54
Sakrameanttat
Sakrameanta lea bassi dahkku girkus gos olbmuide addo ip-
mila árbmu. Katolalaš girkus leat čieža sakrameantta. Dat leat
gásta, rihpat, náitin, eahkedismállásat, buhcciide vuidosa ad-
dit, ordinašuvdna (báhpaid, bismmaid ja pava vihaheapmi) ja
gáhtamuš.
Girkolaš olbmot nu go bisma, báhppa dahje Pava geat addet
ipmila árpmu, leat ieža dan ožžon ordinašuvnna bokte. Sii sáht-
tet dalle dan viidáset addit. Pava, bismmaid ja báhpaid fápmu
lea katolalaš girkus erenoamáš. Sii ožžot girkus árbmofámu
ipmilis, ja danne sáhttet sii oskku viidáset fievrridit álbmogiid,
sakrameanttaid bokte.
Eahkedismállásat leat guovddážis katolalaš meassus. Dat leat
erenoamážat danne go sii jáhkket ja oskot ahte láibi ja viidna
duođas šaddaba Jesusa rupmašiin ja varran go báhppa logadet-
tiin sárdnu 1. Kor 11. 23-25. Maŋŋá sártni dáhttu báhppa ipmila
vuostái váldit oaffara. Dasto báhppa ja searvegoddi ožžot Jesusa
rupmaša ja viinna. Maŋŋá dan, de báhppa cealká giittosrohkosiid
ja addá ipmila árpmu buohkaide (buressivdnida). Dán láhkai
ožžot buohkat geat oasálaste eahkedismállásis, šaddat oktan
Jesusiin ja oskkolaččaiguin.
Dušše báhpa dahje bisma sáhttá
čađahit katolalaš eahkedismállásiid.
© Shutterstock.
