57
bajimus jođiheaddjit ortodoksa risttalašvuođas. Oten leat máŋga
našunála ortodksa girku mat jođihuvvojit patriárkkaid bokte.
Ovdamearkka dihte lea Serbia patriárka, gii Begradas ássá, olles
Serbia ortodoksa girku jođiheaddji. Bismmat leat patriárkkaid
vuolde ja sii jođihit iešguđet guovlluid riikas. Bismmaid vuolde
leat fas báhpat. Diakonat leat fas báhpaid veahkkebargit. Dušše
albmát sáhtte vihahuvvot patriárkan, bisman, báhppan ja diako-
nan. Dávjá muŋkkat šaddet bisman. Náitalan dievddut sáhttet
šaddat báhppan, muhto bismmat leat álo náitalkeahtes dievddut
Bassiolbmot ja ikonat
Maiddái ortodoksa risttalaččaid gaskkas leat bassiolbmot
dehálaččat. Sii oaivvildit ahte buot bassiolbmot leat ovttas sin-
guin ipmilbálvalusain. Sii leat dego oaidnemeahttun almmálaš
searvegoddi. Girkut, busset, kantuvrrat, ruovttut ja buvddat leat
čiŋahuvvon ikon-govvosiin martyrain ja bassi olbmuin. Olbmuin
leat dávjá ruovttuin maid ikonat. Ikonat leat «láset bassi máilb-
mái». Ikonat galget sierra njuolggadusaid mielde málejuvvot.
Sii oskot ahte ikonat várjalit sin váralašvuođain. Dávjá mánát
ožžot muhtin bassiolbmo ovdanama go gásttašuvvojit. Olbmot
gudnejahttet ikonaid dan láhkai ahte sii gopmirdit ja cahkkehit
gintala gova ovdii ja ruosastit.
Patriárkkat.
© Shutterstock.
Bassi Trifon (su. 1495–1583). Son
vuođđudii Bihtáma kloastara, ja
huksii vuosttas girku Boris Glebii ja
Njávdáma kapealla Máttá-Várjjagis.
© Shutterstock.
