29
1870-loguin
serve
maiddái
sosialisttat
juguhisvuođalihkadussii.
Alkoholageavaheapmi gehččui duođalaš váttisvuohtan bargiid gaskka.
Sosialisttalaš njunnošat oaivvildedje ahte jos bargiidluohkká galggai sáhttit
luvvet iežas kapitalismmas, de fertii vuos luvvet
iežas alkoholas.
Viinni ja buolliviinni máinnusgovva.
Lihkadus stuorui 1880-loguin, ja 1894:s ledje lihkadusas badjel 150 000
miellahtu. Lihkadus lei garrasat báikegottiin go gávpogiin, ja ledje eambbo
nissonat go albmát miellahttun. Juguhisvuođaášši lei maid okta dain stuorámus
politihkalaš riidogažaldagain Stuorradikkis. Bellodatpolitihkas lei nu ahte
Gurutbellodat doarjjui juguhisvuođalihkadusa, ja Olgešbellodat fas áiggi mielde
vuostálastigođii menddo čavga alkoholapolitihka.
1880-jagiid loahpas juguhisvuođalihkadus vuittii Stuorradikkis, ja guokte
lága, 1891:s ja 1894:s, dagahedje ahte gielddat besse álbmotjienastemiid bokte
ieža mearridit ahte galggai go leat lohpi vuovdit alkohola. Alkohola galggai
vuvdot
samlaget
nammasaš gávppiin, mat ledje almmolaš gávpemonopolat.
Dáid álbmotjienastemiin lei nissonolbmuin seammá jienastanvuoigatvuohta go
almmáiolbmuin. Álbmotjienasteamit dagahedje ahte ovtta nuppi gielddas heite
