32
ovddeš oahpaheaddji ja 1880-logu rájes čálli beaivepreassas. 1884:s válddiiga
Gina Krog ja Hagbart Berner, guhte lei ovddeš redaktevra ja Dagbladet
vuođđudeaddji, initiatiivva álggahit Norsk kvinnesaksforening (Norgga
nissonáššesearvvi). Searvvi váldoášši lei rievdadit náitalan nissonolbmuid
rievttálaš dili. Dan botta go leaskkat ja náitalkeahtes, olles nissonolbmot guhká
jo ledje leamaš juridihkalaččat válddálačča, ja alddis leamaš vuoigatvuohta
hálddašit ekonomiija iehčanassii, de ledje fas náitalan nissonolbmot ollásit
albmá válddi vuolde. Politihkalaš gičču maŋŋá 1888:s vuite nissonolbmot, ja
dan rájes ožžo náitalan nissonolbmot maid seammá rivttiid go náitalkeahtes
nissonolbmot, ja maiddái rievtti hálddašit iežas sisaboađu.
Gurut: Betty Hennings neaktimin “Nora” Henrik Ibsena drámabihtás “Et
dukkehjem”.
Olgeš: Emil Poulson neaktimin Helmera. Københápmana Gonagaslaš Teáhtera
álgočájálmasas 1880:s.
