42
áibbas sorjjasmeahttun riikan, mas lei sierra gonagas. Skandinávisma ja
davviriikkalaš oktiigullevašvuohta lei ožžon renesánssa birrasii jahkečuođi
molsašumi. Dan geažil bovttii ovttastusluvven garra reakšuvnnaid ruoŧa bealde.
Lei easkka maŋŋá vuosttas máilmmisoađi ahte davviriikkalaš ovttasbargu fas
duođas biddjui johtui. Olbmuin lei dalle ođđa mokta, ja jáhkku ođđa
davviriikkalaš oktiigullevašvuhtii.
Geardduhangažaldagat
1
Manne šattai nággu olgoriikapolitihkas?
2
Mii lei Gurutbellodaga “čorbmapolitihkka”?
3
Manne orustahtii Stuorradiggi čorbmapolitihka 1895:s?
4
Mii lei duogážin ovttastusluvvemii 1905:s?
5
Manne dollui álbmotjienasteapmi ovttastusaluvvema olis 1905:s?
6
Mii lei geassemánu 7. beaivve mearrádus?
7
Mat ledje Karlstadráđđádallamat?
8
Manne lei dánska prinsa Carl geahčastuvvon buori evttohassan ođđa
gonagassan Norgii?
9
Manne eai háliidan stuorraválddit Eurohpás seaguhit iežaset gižžui gaskal
Norgga ja Ruoŧa?
