46
Borregaard fabrihkat Sarpsborggas. Govva ii leat áigemeroštallon.
Fápmogáibideaddji industriija
Kemiijalaš ja elektrometallurgalaš industriija mat ovdánišgohte jagi 1905
maŋŋá,vuođđuduvvui el-fápmojođu ala.
Ođđa teknologiija dagahii vejolažžan buvttadit el-rávnnji energiijas mii lei
goržžiin. Ollu goržžit ledje maid dehálaš eaktun fápmogáibideaddji industriijaid
ásaheamis Norggas. El-fámu ovdáneapmi attii ođđa vejolašvuođaid norgalaš
industriijii. Álggos geavahuvvui el-rávdnji čuovggaide, lieggasii ja
telefovnnaide, nammalassii buktagiidda mat nuppástuhtte olbmuid beaivválaš
eallima. El-rávdnji buvttii čuovgga ja lieggasa duháhiidda, ja smávvaindustriija
leavai viidát. Gielddalaš el-fápmorusttegiid huksemat adde bargosajiid ja
vejolašvuođaid ásahit ođđa gelbbolašvuođa gielddaide. Vuosttas gielddalaš el-
fápmorusttet ásahuvvui Hámmárfestii 1890:s, ja dohko bohte maid vuosttas el-
rávdnjegeaidnočuovggat. Ásahuvvojedje maid muhtun elektralaš fitnodaga,
earret eará Elektrisk Bureau Kristianias. Áiggi mielde ovdánii
elektrometallurgalaš industriija mas el-rávdnji geavahuvvui suddadit stálli,
alumiinna ja nihkkela. Dát industriija dagahii maid ahte huksejuvvojedje stuorra
