54
ovddasvástádus vuosttildedje garrasit, ja maŋŋá go politihkalaš riiddut ledje
bistán máŋga jagi, mearridii Stuorradiggi 1915:s lága mii attii stáhtii válddi
váldit ovddasvástádusa jos áššeoassálaččat bargoeallimis eai nagodan soabadit.
Syndikalisma lea revolušuvnnalaš lihkadus mii ilmmai fránskalaš
fágalihkadusas 1890-jagiin. Syndikalisma mearkkaša čielga akšuvnnat –
streaikkat ja bilideamit – mat geavahuvvojit gaskaoapmin muhttit servodaga.
Tevnnet mii čájeha Martin Tranmæla guhte geahččala hohkahit bargiid searvat
jagi 1911’ Fágaopposišuvdnii.
Jagi 1911 Fágaopposišuvdna
Birrasii jagi 1911 ilbmanii opposišuvdna bargiidlihkadusa siskkobealde.
Guovddážis dás lei njuohtti ja aviisadoaimmaheaddji Martin Tranmæl (1879 –
1967) Melhusas Troandimis. Fágaopposišuvdna, nu mo gohčodedje iežaset, eai
lean ovttaoaivil AFL’ politihkalaš oainnuide mat guske máŋggajahkásaš
bálkásoahpamušaide, riikatáriffaide ja geatnegahtton njuolggadusaide gaskal
bargoaddiid ja bargiid. Opposišuvdna lei báidnon syndikalismmas, mii lei
eurohpálaš sosialisttalaš lihkadus mii geahččalii hávkadit boargáriid
