64
Siskkáldasat Norgga Nissonáššesearvvis ledje konservatiiva nissonat geat eai
liikon ahte bargiid váikkuhanfápmu stuorui. Sii háliidedje ahte
jienastanvuoigatvuohta bođii veahážiid mielde, ja ahte álggos galggai
jienastanvuoigatvuohta leat dušše boargárlaš nissoniin. Eará searvvi nissonat
vuosttildedje dan, ja dát dagahii ahte searvi bieđganii. Muhto dál álge
bargiidnissonat lihkadišgoahtit. Sosialademokráhtalaš nissonsearvi mii lei
vuođđuduvvon
1885:s
doaibmagođii
fas
ja
álggahii
jienastanvuoigatvuođavázzimiid.
Miessemánu
17.
beaivve
1900:s
lágiduvvojedje jienastanvuoigatvuođavázzimat gos 2000 nissona ja 15 stuorát ja
smávit nissonsearvvi oasálaste. Hellodatbeaivvi 1901:s mearriduvvui ahte
nissonat báikegottiin guhte dinejedje eambbo go 300 kruvnnu, ja nissonat
gávpogiin guhte dinejedje eambbo go 400 kruvnnu, galge beassat jienastit
gielddaválggain. 1907:s besse seammá nissonat jienastit Stuorradiggeválggain.
Nissoniid vuolláičállináŋgiruššan ovttastusluvvemis 1905:s lei ággan dasa ahte
nissoniin galggai leat jienastanvuoigatvuohta. 1910:s besse buot nissonat
jienastit gielddaválggain, ja de viimmat 1913:s ožžo buot nissonat
jienastanvuoigatvuođa seammá dásis go almmáiolbmot. 1911:s bođii vuosttas
gearddi okta nissonolmmoš Stuorradiggái, nammalassii Anna Rogstad (1854 –
1938). Jagi 1916 rájes lei nissonolbmuin vejolaš čohkkát ráđđehusas, muhto
Norggas ii lean nissonlaš stáhtaráđđi ovdal 1945:s, Kirsten Hansteen (1903 –
74), guhte ovddastii Norgga Kommunisttalaš Bellodaga.
Anna Georgine Rogstad (1854-1938)
Anna Georgine Rogstad lei oahpaheaddji ja vuolggaheaddjin
ja hoavda Christiania gieldda joatkkaskuvllas, mii lei nieiddaid
várás jagiid 1909 rájes 1923 rádjái. Son lei ovdaolmmoš Oslo
nissonoahpaheaddjiid lihtus 25 jagi, ja vuođđudii Norgga
nissonoahpaheaddji lihtu, mas son maiddái lei ovdaolmmoš
jagiid 1912 rájes 1919 rádjái. Son lei miellahttu Oslo
skuvlastivrras 22 jagi ja čálii oahppogirjjiid ja biográfiijaid
nuoraid várás. Anna Rogstad lei olgešbellodaga miellahttu ja
šattai riikka vuosttas nissonlaš stuorradiggeáirras.
