63
Jienastanvuoigatvuohta nissoniidda
Nissonat válgakássaid luhtte. Vejolaš Drammenis Buskerudas 1909:s.
Lei Norgga Nissonáššiidsearvi mii ovddidii gáibádusa oažžut jienastan-
vuoigatvuođa nissoniidda. Olgešbellodat doarjjui gáibádusa, goittot ge
nissoniidda geain lei viissis dienas. Maŋŋil go oktasaš jienastanvuoigatvuohta
albmáide lei mearriduvvon, de oinnii Olgešbellodat boargárlaš nissoniid
konservatiiva resursan mat sáhtte orustahttit politihkalaš eallima radikaliserema
maid jienastanvuoigatvuođa viiddideapmi albmáide lei dagahan. Dasa lassin
barge konservatiiva nissonáššenissonat oččodan dihtii Olgešbellodaga čálihit
jienastanvuoigatvuođa nissoniidda iežaset válgaprográmmii. Viimmat
boahtigohte ođđa buolvva politihkkárat bellodagaide, geat beroštedje eambbo
nissonvuoigatvuođaiguin.
