17
Vuollástuvvon Norga
Ealáhus ja beaivválaš eallin
Skuovat ráhkaduvvon guollečuomas
Duiskkas ledje stuorra plánat makkár doaibma norgga ealáhusas galggai leat
Duiskka ektui. Norga galggai áŋgiruššat daid mat ledje lunddolaččat nu go vuovdit
guoli, hukset goržžiid stuorraindustriijan. Čoahkkebáikkis
Øvre Årdal Sogn og
Fjordane:s
háliidedje
ovdamearkka
dihtii
duiskalaččat
ovddidit
aluminiumindustriija sivas go báikkis lei fidnemis ollu ja hálbbes el-rávdnji, mii lei
deháleamos eaktun cegget dákkár industriija.
Norga lei sorjavaš oastit ollu gálvvuid olgoriikkas. Go gávppašeapmi Stuorra
Británniain ja riikkain olggobealde Eurohpá bissánii, de fargga šattai
gálvováilevašvuohta. Vaikko vel gávppašeapmi Duiskkain lassániige, de ii lean dat
doarvái. Garra seastin sisafievrriduvvui jo 1940:s. Gálvováilevašvuohta bajidii
čáhppesgávppašeami, muhto maiddái stuorra fuomášahttima ráhkadit
duddegálvvuid.
