33
buohtastahttá eará ovttasbargguin. Maŋŋá lea čájehuvvon ahte duomuid maid adde
dalá maŋŋágo duiskalaččat kapitulerejedje, ledje garrasabbot go daid maid adde
maŋŋá. Maŋimuš jápminduopmu čađahuvvui borgemánus 1948:s, dalle go
Ragnvald Skancke, gii earret eará lei leamaš oahpahusministtar Quisling
ráđđehusas áigodagas jagiid 1942-45, goddojuvvui báhčimiin. Jagiin mat čuvvo,
bohte ollu árpmiheamit ja maiddái ráŋggáštus vuolideamit. Maŋimuš norgga fáŋga
geas lei agibeaiduopmu riikkabeahttimis luitojuvvui luovus 1957:s.
Geardduhangažaldagat
1
Manin geavahedje duiskalaččat “eanaboaldima vuogi” go geassádedje
ruovttoluotta Finnmárkkus?
2
Mii lei “Festung Norwegen”? Masa balle ollugat ahte dát “ladni” galggai
geavahuvvot?
3
Ovdanbuvtte muhtun dehálaš beliid riektečielggadeamis maŋŋá soađi. Manne
láivo duomut dađe mielde go áigi golai?
4
Mii lei Ruota dilli soađi vuolde? Goas, mo ja manne rievddai ruota
politihkka?
