31
Luđolašvuhtii beassan ja riektečielggadeapmi
Duiska vuoittahallama guvlui
Jagi 1943 rájes lei Duiska geassádeamen Eurohpás. Normandie gáddái boahtin jagi
1944 geasi ja seammás sovjehtalaš nordamat oarjjás guvlui Polskka čađa, dagai
ahte lei dušše gažaldat áiggis goas Duiska vuoittahallá soađis Eurohpá nannámis.
Lei go stuorraválddiin beroštupmi Norgii álgogeahcen soađi, de aŋkke lei
nuppeláhkai soađi loahpageahčen. Maŋimuš soahtegávnnadeamit nuppi
máilmmisoađis eai lean Norggas. Norgga luđolašvuhtii beassan lei šaddat boađusin
maid duiskalaččat Norggas bohte dahkat soađi loahpas.
Mánát, gahččanskuvlla olggobealde Čáhcesullos jagi 1944 čavčča. Duiskalaččat
leat aiddo geassádan ruovttoluotta ja geavahan “eanaboaldima vuogi”.
