30
Eanemus dovddus soaitá leat lossačáhceakšuvnnat Telemárkkus. Lossačázis lei
mearkkašupmi duiskka atomadutkamii. Dat buvttaduvvui Vemorkas Rjukan lahka.
Kompani Linge čuoččui duogábealde Vemork bávkaleami 1943:s, ja 1944:s
čađahedje čuovvolanakšuvnna gos sii vuodjudedje skiippa mii fievrridii lossačázi
Tinnsjøen alde mii galggai viidásappot Duiskii.
Man árjjalaš dahje akšuvnnalaš vuostálastin galggai leat? Erenoamážit
Milorgas ledje ollugat soađi mielde háliidedje árjjalabbo linnjá. Váldoákkat
akšuvnnalaš linnjá vuostá lei leamaš dán rádjái ahte njuolgga akšuvnnat duiskalaš
heakkaid dahje doaimmaid vuostá dábálaččat dagahii garra mávssahemiid. Tælavåg
ovdamearka Hordalánddas čalmmustuhttá dan: 1942:s goddojedje guokte duiskka
Gestapo offiseara soahtegávnnadeamis norgga soalddáhiiguin Kompani Linge
joavkkus. Dat dagahii ahte báikki visttiid bolde, buot omiid njuvve, bivdofatnasiid
billistedje
ja
buot
almmáiolbmot
sáddejuvvojedje
Sachsenhausen
čohkkengohttehahkii Duiskii gos 31:s sis jápme.
Sáhttet leat máŋga siva ahte akšuvdnalinnjá liikká menestuvai. Ollugat
áddejedje ahte juoga fertejedje oaffaruššat jos maidige galge vuoitit.
Gierdameahttunvuohta, sáhkkiivuohta ja čearggusvuođa dárbbut čilgejit juoga.
Lassin heivehuvvui siviila ja militeara vuostálastin buorebut oktii. Čielga
akšuvdnalinnjá ferte maiddái geahččat ovttas dainna ahte Duiska lei
vuoittahallamin soađi.
Geardduhangažaldagat
1
Namut muhtun vuostálastiid ámadeaju.
2
Mii lei dehálamos norgga veahkki soađi bohtosii? Čilge.
3
Mii lei Nortraship?
4
Mii lei Little Norway?
5
Manin doaivvut don vuostálastindábisteamit šadde garrasit maŋŋá jagi 1942?
6
Ovdanbuvtte muhtun ovdamearkkaid siviila ja militeara vuostálastima birra.
