8
Gonagas Haakon ja kruvdnoprinsa Olav ohcamin suoji duiskalaš girdifalleheami
vuolde Nybergsunddas, Trysilis, cuoŋománu 11.beaivvi 1940.
Gonagas ja ráđđehus
Álgo márramabeivviid geahččalii Duiska, fas sáttaalbmá Bräuer bokte máŋgga
gearddi hálahit gonagas Haakona dohkkehit Quislinga. Gonagas vástidii ii. Son
dieđihii maiddái čielgasit ahte son boahtá abdiseret jos
Nygaardsvolda ráđđehus,
buot váruhusaid vuostá, boahtá dohkkehit Quislinga ođđa stáhtaministtarin. Go dat
čielggai Duiskii, de geahččaledje duiska bombagirdit oažžut gonagasa ja
kruvdnoprinssa eret ovddas, vaikko goddit sudno jos dárbu šaddá, go bombegohte
sin čiehkánsaji Nybergsunddas Trysilis. Guokte garra vahku maŋŋil, beasai
gonagas ja kruvdnoprinsa Moldei gos skiipa lei vuordimin ja doalvvui sin
davásguvlui. Maŋimuš stáhtaráđđi dollojuvvui Romssas geassemánu 7. beaivvi.
Seamma beaivvi guđii gonagas, kruvdnoprinsa ja ráđđehus Norgga ja mátki manai
Stuorra Britanniai. Dat manai aiddo vihtta jagi ovdal go sii máhcce ruovttoluotta.
