19
Vuosttažettiin elii vuollástansoahteveahka dan riikka alde maid sii válde, eai ge dan
riikka alde gos sii bohte. Liikká ii lean Norgga vuollásteapmi “buorre gávpin”
Duiskii. Ollislaččat dáhpáhuvai árvofievrrideapmi Duiskkas Norgii mii
vuosttažettiin duiskalaččaide bođii ávkin. Maŋŋá soađi báhce ráhkadusat maid
duiskalaččat guđđe, ja mat bohte norgalaš servodahkii buorrin. Øvre-Årdal lea
dakkár ovdamearkan. Duiskalaččat maiddái huksejedje oanehis girdi seaivunsajiid
ja ruovdemáđijaid, ovdamearkka dihtii Flåmbána, ja sii bidje telefonlinnjáid mat
bohte Maŋŋásoađi-Norgii buorrin. Muhto duiskka čáhcevulošfatnasiid básat, latnit
ja ladneráhkadusat eai boahtán buorrin seamma láhkai Norgii go soahti nogai.
Radioapparáhtat duoguštuvvojit. Valáštallanlatnja Møllergata skuvllas Oslos
doaimmai sisačohkkensadjin.
Duiska mearridii diktit norgga ruhtadeaddinmašiinnaid mannat. Ii oktage dieđe man
ollu okkupašuvdnaváldi čiegusvuođas válddii olggos ruđa Norgga Báŋkkus. Aŋkke
lea sihkkar ahte soahteekonomiija lei stivrejuvvon bajábealde. Dan sáhttit gohčodit
kommandoekonomiijan. Hattiid mearridii stáhta, muhto maiddái maid boanddat
galge gilvit, sáhtii mearriduvvot diktatoralaččat.
