36
Olggobeale autoritehtat dahket lágaid ja njuolggadusaid maid
buohkat servodagas/joavkkus galget čuovvut. Olggobeale autori-
tehtat sáhttet leat eiseválddit, ipmil, dahje láhka. Dalle lea nu ahte
sii mearridit mii lea riekta ja boastut. Rihkolaččat meannuduvvojit
sierra duopmostuoluin ja ožžot heivvolaš ráŋggáštusa. Sáhttá digaš-
tallat makkár vuohki lea buoremus go áigu ráŋggáštit rihkolaččaid.
Muhtun ehtalaš gažaldaga
Mii váldit dál ovdan muhtun ehtalaš fáttá ja guorahallat daid
muhtun muddui. Dát ii šatta čiekŋalis digaštallan, muhto vea-
há váttisvuođaid sisa maid viidáseappot sáhttá guorahallat ja
čuvget máŋgga láhkái sihke oktagaslaččat ja luohkás.
Iesguđetlágan olmmoščearddat. Modear-
na álbmogiin lei jahku ahte sis lei lohppi
gieđaguššat primitiiva álbmogiid sierralá-
gain vugiiguin jearákeahttá sis, ja dieinna
lágiin futno primitiiva álbmogiid, ja atne
iežaset buorebin go earát.
