26
dáid galbma guovluid mii johti, beaivvis beaivái
jagi jahkái, vel goit
dáid galbma duoddariid vájaldit
buolvvas bulvii
ja áiggi mielde mii šáddat oassin dán eatnamii
gos min máddagat leabbájit
nu boršu eallima gorži
gumadit čáčča jienjat
garradálkkit čergot
ja eallimii gullo, ahta boaris jávká
ja guođđá saji ođđa šattui’e
olbmot bohtet ja mannet
álbmogat riegádit, láhppojit
nu šuohkihallá eallima mearra
báruid
bárru báru manjis
nu láppojit álbmogat
soarpin eallima rávdnjái
nu lea dušše bárru dat stuorisnai
nu sugadit eallima mearas datnai
mat min badjel dal máraidit
iige giige dieđe
man guhká miige
eallá
