34
ku buohkaide» leat meroštallojuvvon servodatvišuvnna ektui.
Muhto eai álo buot olbmot servodagas juogat dakkár višuvnna,
ja dalle lea álki boahtit dan dillái ahte mii ráddjet sáni «buoh-
kat» gustot dušše sidjiide geat juogadit dan višuvnna. Máŋga
veahkaválddi lea dahkkojuvvon olbmo historjjás go okta joavku
oažžu válddi meroštallat mii lea dat «buorre» servodat.
•
Leago riekta ráŋggáštit olbmuid vearredaguid ovddas? Guorahala
dan navajo-ovdamearkka vuođul maid leat čielggadan bajábealde.
Leago dehálet ráŋggáštit go veajuiduhttit? Gávnna ákkaid mat dor-
jot ja mat leat vuostá. Gávnnat go makkárge oainnuide doarjaga
iežat kultuvrras? Leago dat mii lea riekta ja boastut čatnon kultuvrii
dahje leago juoga obbamáilmmálaš ja almmolaš?
•
Gávnna ovdamearkkaid mo mii geavahat geatnegasetihka beaivvá-
laš dilálašvuođain. Makkár autoritehtaid geavahat mii, ja gávdnojit
go autoritehtat maid mii
fertet
dahje
berret
vuhtii váldit? Mat leat
geatnegasetihka deháleamos geanohisvuođat ja mat leat dan givro-
dagat?
•
Guorahala utilitarismma ehtalaš teoriijan ja mii lea dan geanohis-
vuohta ja givrodat. Mo áiggut don meroštallat «lihkku buohkaide»?
•
Muhtumat oaivvildit ahte buot etihkka lea subjektiivvalaš, iige leat
danin vejolaš čuoččuhit almmolaš morálalaš árvvoštallamiid. Maid
don oaivvildat dan birra? Guorahala ákkastallamiid mat dorjot ja
mat leat vuostá.
O A N E H A Č Č A T D A D D J O N
Čuovvovaš filosofalaš fáttát leat áigeguovdilat ja digaštallojit ollu servo-
dagas:
•
Identitehta
•
Eallindulkon
•
Luondu – Kultuvra
•
Eallin – jápmin
•
Riekta - Boastut
