43
Dásseárvu ja ovttadássásašvuohta
Árbevierru daid buolvvain geat elle min ovdal, lei ahte albmáin
ja nissoniin ledje iešguđet doaimmat ja ovddasvástádusat. Alm-
mái lei son guhte barggai olgun servodagas ja dan láhkái ealihii
bearraša, ja nisson fas barggai ruovttus ja sus lei ovddasvástádus
dállodoalus ja biepmus. Albmá ja nisson gaskavuođas lei almmái
njunnošis ja sus lei maŋimuš sátni jus muđui eaba boahttán
ovttaoaivilii. Lei nissona geatnegasvuohta vuoluštit albmá ja
su dáhtu. Dát rollajuogadeapmi lei oassin das mii gohčoduvvo
patriarkalaš
(áhčistivren) sohkabealrollaminsttar. Patriarkalaš
servodagain lea albmáin váldoovddasvástádus mo servodat
stivrejuvvo, ja danin lea vuosttažettiin albmát geat válljejuvvojit
dahje gohččojuvvojit badjelasaset váldit almmolaš doaimmaid
ja dehálaš rollaid servodateallimis.
1900-logus bohciidii ovttadássásašjurdda duođalaččat oarje-
servodagain (Europas ja Davvi-Amerihkás) ja erenoamážit
1970-logu rájes oaččui ovdáneapmi leavttu. Árbevirolaš bargo-
juogadeapmi nissoniid ja albmáid gaskkas oaččui stuorra
moaitámuša, ja dieđusge daningo dábálaččat ledje albmát geat
ožžo ovdamuniid servodaga patriarkalaš ortnegiin. Eanet go ov-
dal lávkejedje nissonat bargodillái ja šadde bearašealiheaddjin.
Láhka galgá sihkarastit dásseárvvu ja
dássemeannudeami nissoniidda ja dieivd-
duide.
