45
birra. Buot olbmuin galget leat seamma vuoigatvuođat ja vejo-
lašvuođat buot servodatsurggiin.
Dásseárvo- ja ovttadássásašvuođa bargu buktá servodahkii
ođđa hástalusaid máŋgga suorggis. Ovdamearkka dihtii lea dál
dehálaš fátmmastit joavkkuid mat iešguđet sivaid geažil ovdal
eai leat sáhttán ollásit searvat bargoeallimii. Go arkiteavttat
galget ođđa almmolaš visttiid tevdnet, lea dehálaš daid huk-
set nu ahte lea beasatlašvuohta olbmuide geain leat váilevaš
doaibmanávccat. Maiddái almmolaš �ievrrut galget leat reaidu-
duvvon nu ahte buohkat daiguin sáhttet johtit. Olmmožin leat
mii dásseárvosačča beroškeahttá geat mii leat, ja dat galgá oid-
not beaivválaš eallimis. Ovttadássásaš- ja vealahanáittardeaddji
lea almmolaš institušuvdna gii galgá gozihit ahte dát duođaid
vuhtiiváldo, ja sáhttá váidalit jus ovttadássásašvuođa láhka
rihkkojuvvo. Ovttadássásašvuohta ja dásseárvu leat šaddan
guovddáš árvun otná servodagas.
•
Mii eallit servodagas mii gáibida
ovttalágan meannudeami
. Dat
mearkkaša ahte ii leat vejolaš vealahit olbmuid sivas sohkabeali,
duogáža dahje čearddalašvuođa. Manne doaivvut don ahte servo-
dat lea gávdnan dákkár ovdagovaid? Makkár váttisvuođat čuvvot
go daid galgá čađahit? Makkár hástalusaid oainnát don báikkálaš
servodaga ektui gos don ieš leat oassin?
•
Sosiálalaš olggušteapmi, dat mearkkaša ahte muhtun gii biddjo
olggobeallái searvevuođa lea okta vealahanvuohki. Dalle sáhttá
vásihit ahte du dásseárvu dulbmojuvvo – dus mat ii leat seamma
árvu go eará olbmuin itge gula sin searvái. Leatgo don vásihan
dilálašvuođaid mat leat hástalan dásseárvo- ja ovttadássásašvuođa
ovdagovaid iežat bealis.? Mo sáhttit buoremusat gieđahallat
dilálašvuođaid gos dákkár árvvut leat hástalussan? Namat surggiid
gos oaivvildat dásseárvu ja ovttadássásašvuohta hástaluvvo otne, ja
guorahala maid sáhttá dahkat. Geavat muhtun ovdamearkka!
