55
jit astronauttat váldit mielde buot maid dárbbašit jus galget
doalahit heakka. Eai ávusskiippas sáhte šaddadit biepmu, eaige
sáhte finadit olggobealde skiippa murjjiid čoaggimin, bivdimin
dahje eará veahkkeváriid viežžamin mii galggašii sin veahkehit
bissut heakkas. Sii fertejit birget dainna maid eatnama alde
válde fárrui. Jus mii jurddašat ahte eana/máilbmi lea dego ávus-
skiipa, de mearkkaša dat ahte mii fertet gieđahallat eatnama
nu ahte mii buoremusat dan dikšut nugo «ávusskiippas», go
doppe leat álo ráddjejuvvon veahkkevárit.
•
Maid sisdoallá dat go oaidnit eatnama/máilmmi dego ávusskiipan?
Makkár váikkuhusaid oažžu dat máilmmi veahkkeváriid geavaheami
ovddasvástádussii? Namat ovdamearkkaid ja digaštallet makkár da-
gut leat eanet ovddasvástideaddji go earát?
OEE fágas lea etihkka dehálaš oassi, muhto millii boahtá maid
mo mii oaidnit máilmmi ja mo oaidnit olbmo, ja daid fámuid
mat váikkuhit min eallimii. Máilmmi govva ávusskiipan muitala
juoga mo mii oaidnit máilmmi: ii dat lea dego geahčemeahttun
resursa. Eará máilmmigovva sáhttá leat oaidnit dan dego ealli
organisma dahje heakkalažžan. Mii geavahit dajaldaga «eadnán
eana» (Moder Jord). Eana mii lea min máilbmi, ii leat dušše dat
mii lea min birra, muhto maiddái min álgga, ja dalle lea mis
Eana – govviduvvon Apollo 8 ávusskiippas.
