57
cuiggodeaddjit leat fas oaivvildan ahte eallit ja olbmot eai galgga
adnojuvvot ovttaárvosaš heakkalažžan. Olmmožin lea mis eanet
ovddasvástádus iežamet čearddas go eará čearddain.
•
Leago nu ahte olbmuin lea eanet árvu go ealliin? Sáhttitgo mii
vuoruhit ealliidnáli árvvu olbmuid ektui, ja dadjat ahte muhtun ná-
liin leat stuorát árvu go nuppiin? Vai leago mis buohkain seamma
árvu, leažžat dal olbmot, eallit, lottit vai mat nu earát? Geahččal
ákkastallat iešguđet oainnuid ovddas. Gávnnatgo neahttasiidduid
gos gažaldat digaštallojuvvo?
Teknologiija
1600-logu rájes lea máilbmi vásihan teknalaš revolušuvnna.
Ođđa teknalaš fuomášumit leat dahkan árgabeaivvi álkibun
olbmuide, muhto seammás lea maid buktán ođđa váttisvuođaid.
Das mas ovdal olbmot leat eallán giehtadujiin ja álkis gálvvuid
buvttademiin, lea dál industriija mekaniseren buvttadeami nu
ahte olbmuide measta ii leat šat dárbu. Min áiggi elektronalaš
revolušuvdna lea buktán ollu ođđa gálvvuid, muhto seammás
dahkan min eanet sorjavažžan gálvvuide, nu ahte mii čađa áiggi
sávvat dan maŋimučča mii ain boahtá márkanii. Leago teknolo-
giija čađat buorre, vai leago das maiddái heittot bealit?
Facebook lea máilmme stuorámus
neahttaservvodat, gos gávnnat
sihke ustibiid, fitnodagaid ja ollu
eará. Teknologiija lea buktán olles
máilmmi min beavddi ala.
