49
•
Mii lea solidaritehta – maid sátnegirji dárkkuha? Digaštallet maid
mearkkaša ahte leat «solidáralaš». Leago oktage geainna lea álkit
dahje váddáset leat «solidáralaš»? Gávnna ovdamearkkaid «soli-
dáralaš» daguide.
Riikka asylpolitihkka sáhttá leat muhtun lágan iskkus mo
máilmmigaskasaš solidaritehta sáhttá boahtit oidnosii. Norgga
asylpolitihkka lea ollu rievdan daid maŋimuš jagiid. Bargosisa-
fárren lei ovdal oalle dábálaš ja dábálaččat dohkkehuvvon,
muhto dál lea garrasit gáržžiduvvon. Leago dát mearkan ahte
solidaritehtajurdda áiggi mielde lea váidun? Asylaohcit geat
bohtet riidoguovlluin guorahallojit hui dárkilit stáhtalaš eise-
válddiin ja deattuhuvvo dávjá ahte sii vuosttažettiin háliidivčče
vuostáváldit earrebáhtareddjiid, dat mearkkaša sii geat lea jo
mannan čađa dohkkehanortnega maid «FNs høykommisær for
�lyktninger» hálddaša. (otne dávjá geavahuvvo doaba sirdin-
báhtareaddjit dan ovdiigo earrebáhtareaddjit). Dákkár olbmot
dávjá gávdnojit bádargohttehagain (�lyktningleir) eará riikkain
go sin ruovtturiikkas. Norga mearrida juohke jagi galle earre-
báhtareaddji sii vuostáváldet. Eará báhtareaddjit geat Norgii
bohtet, fertejit ieža julggaštit iežaset báhtareaddjin ja oažžut
eiseválddiid iskat áššisteaset geat árvvoštallet juohkehačča
dilálašvuođa galget go sii meannuduvvot báhtareaddjin.
Go oktage riika gillá soađi ja eahpestivrejumi, bohtet dávjá
stuorra báhtareaddji joavkkut ránnjáriikkaide. Muhtumin
sáhttet leat máŋga duhát olbmo gaskaboddosaš gohttehagain
maid eiseválddit, riikkaidgaskasaš veahkkeorganisašuvnnat
ja ON veahkeha. Dávjá leat vuostáváldi riikkat maiddái ieža
geafes riikkat geat geahččalit veahkehit buoremus lági mielde,
ja virolaččat leat sii sorjavačča riikkaidgaskasaš servodagas
skáhppon dihtii doarvái biepmu ja reaidduid nu ahte birgejit
váttis áiggi čađa, gos maiddái vásihit stuorra rievdadusaid sin
eallimis.
•
Makkár ovddasvástádus lea, du oaivila mielde, mis báhtareddjiid
ektui? Mo guoská dát gažaldat máilmmálaš solidaritehta jurdagii?
Gusto go máilmmálaš solidaritehta maiddái báikkálaččat, ja jus dah-
ká – man láhkái?
