48
suddjejuvvot nu ahte sii sáhtte eallit árvvolaš eallima. Servo-
datovdagovat ledje huksejuvvon dan servodatárvvu ala maid
gohčodat solidaritehta (ovttavásttolašvuohta). Dat mearkkaša
ahte olbmot eai eale iehčanassii, muhto geatnegahtti searve-
vuođas gos vuhtii váldit guhtet guoibmámet ja eallit nu ahte ii
oktage olgguštuvvo.
Maŋŋá soađi servodagas gitta moaddelot jagi dás ovdal, lei ol-
les máilbmi báidnon dan galbma soađis gaskal guokte iešguđet
lágan politihkalaš ja ekonomalaš vuogádaga. Dat lei «galmmas»
danin go eai lean rabas riiddut sin gaskkas vaikko vel stuor-
raválddit dávjá ledje ge seahkanan soahtedaguide eará sajiin
gos sin beroštumit ledje áitojuvvon. Maŋŋágo galbma soahti
nogai, leat dilálašvuođat rievdan, muhto soahti ja ráfehisvuohta
ii leat liikká nohkan, ja ain leat olbmot geat gillájit iešguđet
sivaid geažil. Mo galget olbmot min servodagain láhttet daid
gillámušaid ektui maid olbmot otne vásihit? Leago solidari-
tehta ain dehálaš árvu ii dušše báikkálaččat iežamet servodagas,
muhto maiddái juoga mii máilmmálaččat
gusto
? Leago olbmot
geat bures ellet sin servodagas, geatnegahtton vuhtii váldit olb-
muid eará servodagain geain ii leat nu buorre dilli?
Sápmelaččat vuostildedje Norgga stáhta
mearrádusa dulvadit Guovdageain-Áltta
eanu. Sápmelaččat ožžo solidaritehta
miehtá máilmmi dán áššis. Muhto Norgga
eiseválddit eai duohtalan sámiid vuos-
tildemiid, ja ollu sámit gillájedje dán
oktavuođas ráŋggáštusaiguin.
ČálliidLágádus govvavuorká.
