65
juvvon. Muhtumin almmuhuvvojit govat vaikko son gii lea govas
ii dieđe ahte son lea govviduvvon. Maid don oaivvildat dan birra?
Maid berre media vuhtii váldit das mii guoská almmuhit teavsttaid
ja govaid olbmuin?
•
Jienastanvuoigatvuođa ahki Norggas lea 18 jagi, muhto muhtumat
oaivvildit dan galggašii njeaidit 16` jahkái. Maid don oaivvildat otná
jienastanvuoigatvuođa agi ektui?
O A N E H A Č Č A T D A D D J O N
ÁRVOVÁLLJEN
Lagaš- ja máilmmiviidosaš árvvut
•
MII LEA SOLIDARITEHTA?
Solidaritehta mearkkaša ahte olbmot ellet searvevuođas gos áicet
ja fuomášit earáid dárbbuid ja áddejit sin iežaset váikkuhusaid.
Mii čájehit solidaritehta go meroštallat mo mii láhttet, eat dušše
earáid ja servodaga ektui, muhto olles máilmmi ektui. Solidaritehta
mearkkaša ahtemii eat smiehta dušše iežamet birra go válljet daguid.
•
MANNE SOLIDARITEHTA?
Máilmmis dáhpáhuvvá ain ollu eahpevuoiggalašvuohta. Muhtin
guovlluin leat soađit dahje luondduroasut mat dagahit ahte olbmot
fertejit báhtarit. Dávjá sii báhtarit ránnjáriikkaide ja šaddet báhtar-
gohttehagain orrut guhká. Muhtin báhtareaddjit fertejit guođđit
riikkaset jos oaguhuvvojit ja áitojuvvojit goddot oskkoldaga dahje
oaiviliiddiset geažil. Ollu báhtareaddjit bohtet Norgii ja eará riikkai-
de gos lea ráfi ja friddjavuohta oskut ja oaivvildit maid háliidit. Ollu
eamiálbmogat vásihit ain ahte sin eatnamat ja guovllut váldojit ja
geavahuvvojit heakkaváralaš ruvkedoaimmaide ja oljobohkamiidda
sis jearakeahttá.
Ollu geafes riikkain, lea dábálaš ahte mánát fertejit bargat ja dinet
ruđa vai bearaš beassá boradit juohke beaivvi. Mánáid bargodilli
lea dávjá fuotni ja bálká lea áibbas unnán. Biktasat, elektronihkka ja
teknologiija maid mii dáppe gávppašit, dávjá buvttaduvvojit heak-
kaváralaš bargodiliin.
