73
Kreasjonismma – mo Ipmil sivdnidii Adama.
Málen: Michelangelo (Sixtinske kapeallas).
Čuokkis 1 ja 4 leat ravddamus čuoggát. Sii geat bealuštit vuosttaš
oalášoaivila, oaivvildit ahte áidna mii gávdno, lea dat maid
mii oažžut min áiccuid bokte ja maid mii sáhttit iskat dieđalaš
vugiin. Jus oskkoldagat gáibidit duohtavuođa, de ii sáhte sin
duođas váldit sivasgo sii huksejit čuoččuhusaid ala maid eai
sáhte sudjadit vásáhusaid dahje jierpmálašvuođa bokte. Dat
lea dušše juoga maid ovttaskas olbmot jáhkket eaige daid sáhte
dáhkidit eaige biehttalit.
Sii geat čuoččuhit 4. čuoggá, oaivvildit ahte oskku bassi čállosat
leat jo addán buot dárbbašlaš dieđuid maid olbmot dárbbašit.
Dieđa ferte danin guldalit daid ja vuoluštit maid čállagat dadjet
jus bohtet eará bohtosii. Sii dohkkehit dieđalaš bohtosiid nu
guhkágo eai mana čállagiid vuostá, ja oaivvildit ahte oskkol-
dat ieš sáhttá fállat molssaevttolaš teoriijaid diehtagii. Muhtun
ovdamearka dákkár oainnus gaskal diehtaga ja oskkoldaga gáv-
dnat
kreasjonisttaid
gaskkas. Kreasjonismma čuovvuid gávd-
nat sihke kristtalašvuođa ja isláma siskkabealde. Oskkoldaga
mihtilmasvuohta lea ahte sii leat hui konservatiivva ja garrasit
čadnojuvvon árbevieruide.
2. čuokkis lea oaidnu mii viidámusat lea lávdan liberálalaš osku
birrasiin. Dás daddjo ahte dieđa geahččala áddet oktavuođaid
gaskal buot mii gávdno ávus, mo dat lea ovdánan ja mo dat lea
huksejuvvon. Luonddudiehtaga siskkabealde eai dutkojuvvo
persovnnalaš gažaldagat nugo makkár oaivil lea eallimis ja
mo buoremusat sáhttá eallit. Muhto sii dutket dan gažaldaga
makkár fámut leat addán eallima ja mo dát fámut leat dahkan
ahte mii dál eallit olmmožin. Oskkoldat ii beroš mo ávvu ja eal-
